Zum Inhalt springen

Familie Wäger

Brot und Spiele 😉

D’Manu het auti Spiusache us ihrer Jugend usgmischtet und derbi isch mir es Junior-Club Heftli vo 1998 id’Häng cho. Bim Düreblättere hani unger de Brieffründschafte doch de grad öpper gfunge woni kenne – mini Cousine 😉

Juni 21, 2015
Mir sy aui zäme bim Frouearzt gsy u hei gluegt u gstuunet wie wit Pfupf isch (mä erkennt scho so viu), und hei derbi o grad erfahre, dass mir es zwoits Töchterli, bzw es Schwösterli, überchöme. Päpu bliebt Hahn im Korb 🙂

Juni 19, 2015
Chum vom Camping zrügg, hei mir de o no grad e Brot und Spiele ;)-Abe gha. Diesmau sy vorauem Team-basierti Spiu gspiut worde (2-vs-2), wobi bim einte Spiu d’Teams ersch im Verlouf vom Spiu sy bekannt worde.

Juni 15, 2015
Das isch es richtig schöns Wuchenend gsy. Mir hei e sehr agnehmi Zyt mit guete Fründe, feinem Ässe und sogar chli Sunne (aber no nid brenntig) dörfe gniesse.

Juni 15, 2015
D’Resultat vom dütsche Brettspiu Ringtuusch sy da und erneut werde mir es paar Spiu los wo mir nid/nüm gspiut hei u derfür überchöme mir Spiu wo üs aspreche.

D’Zyt wird zeige ob üs die „neue“ Spiu begeistere oder ob mir se de o wieder imene Ringtuusch abiete 🙂 Die neue Spiu wo i de nächschte Tage zu üs gschickt werde sy: Agricola Im Spiu Agricola isch mä e Buurefamilie vor ca 200 Jahr u muess Fäuder bsteue, Vieh züchte und d’Familie ernähre. Es…

Juni 14, 2015
I ha mir spontan es verlängerets Wuchenend frei gno damit mir chli chöi ga campe, und so sy mir itz uf dr’französische Site vom Lac Leman in Excenevex acho.

Das Ganze isch sehr spontan z’stand cho nachdem i afangs Wuche vo Mike (Sandras Götti) bi agfragt worde ob mir nid o Luscht hätte, sie syge sowieso scho dert und üs würds sicher o gfaue.

Juni 12, 2015
I bi scho chli es Gfeufüdle. I ha im Autobahnabschnitt wo boue wird mi lingg Spiegu are orange Pilone atätscht. Aber nid nume, dass es ke Schade het gä (mä gseht NÜT), besser no isch, dass dr’Wackukontakt vom Spiegublinker derbi isch behobe worde 🙂

Juni 10, 2015
I ha vom Bude-Kolleg e lustigi Website übercho wo mit 24 Frage wie mä öppis seit usefingt vo wo das mä chunnt. Isch echt glunge.

Das Ganze isch vom dütsche Magazin „Der Spiegel“: http://www.spiegel.de/static/happ/wissenschaft/2015/sprachatlas/v2/dist/#/questions

Juni 9, 2015
I mire Funktion aus Trouzüge bi ig mit Brütigam Lüku ga Hochzyts-Garderobe ussueche. Mir werde cheibe guet usgseh, sövu steit itz fescht 🙂

Juni 4, 2015
I ha mit mire Trouzüge-Kollegin abgmacht für es paar Vorbereitige und Abklärige. Derbi hei mir no chli Seich gmacht woni no nid witer cha druf iga; aber es het unheimlech Spass gmacht – i ha mi i däm Moment knapp 10 Jahr jünger gfüeuht.

Juni 2, 2015

←Vorherige Seite

1 … 39 40 41 42 43 … 108

Nächste Seite→

Stolz präsentiert von WordPress