Familie Wäger

I ha d’Beschriftig vo Sandras Schublade gflickt, so dasses wieder guet lesbar isch.

Oktober 24, 2014
I bi e schöne Löu… Irgendwie hanis gschafft knapp e Wuche z’früeh bim Zahnarzt itrudle. Die hei de aber äbe nüt vomene Termin wöue wüsse hüt 🙂

Oktober 23, 2014
Ds’Päckli mit de Brettspiu woni dieser Tage füre Lüku ersteigeret, isch itroffe und es isch doch es recht grosses Päckli worde 🙂 Lüku wird sech freue.

Oktober 22, 2014
Hüt hani mer d Sandra gschnappt u bi spontan mit ihre zum Coiffeur. Si het u guet häregha u het aues ohni Iwänd la gscheh. Dr cool Sitz und dr Trickfium hei sicher o ihre Teu derzue bitreit 😉

Oktober 20, 2014
Dieses Wuchenend sy mir uf Stamme und hei mini Gotte und Familie, sowie Sandras Ur-Oma bsuecht.

Oktober 19, 2014
Hüt isch völlig überraschend es Päckli vo PostFinance im Briefchaschte glege für mi. Inhaut: es handgschrybnigs Begleitschrybe u 340 Gramm Schoggi vor Confisserie Läderach

Oktober 16, 2014
We mä dr’Finger es birebitzeli nass macht u när dermit am Ohre-Loch geit ga chräbele, de tönts wie Pac-Man 🙂

I bitte Aui wo das hei müesse usprobiere churz e Kommentar z’hingerla 🙂

Oktober 15, 2014
D’Sandra louft u het ihrer erschte Schritte ohni Stützi gmacht. Itz wo ds’20 gheit isch, cha sie fasch nüme höre u isch de sicher es Dotze mau zwüsche de Lüt hin u her gschuenet.

Oktober 11, 2014
Lüku isch hüt 30gi worde u het e Überraschigs-Party übercho ungerem Motto „Superhelde“. D’Überraschig isch gloub guet glunge und mir hei aus verchleidete Huufe es fröhlechs Fescht gha.

Oktober 11, 2014
Dr’Ueli, Sandra’s Ätti, het hüt si Geburtstag gfyret und zumene gmüetleche Kaffee und Kuchen iglade. Happy Birthday Ueli

Oktober 9, 2014