Familie Wäger

Ds’Gabi Moor het Geburtstag; da hei mir’s üs natürlech nid na näh und sy direkt verbi zum em Geburi-Ching persönlech chönne z’gratuliere.

November 17, 2014
Dr’letscht Spiu-Abe isch nume grad 2 Wuche her, u scho hei mir wieder eine düregfüehrt 🙂 U diesmau isch üsi Spiu-Gruppe umenes neus Mitglied gwachse. Wiukomme, Sändu.

November 8, 2014
Nachdem ds’Loufe immer besser geit, isch üsi Bohne itz zuesätzlech fliessig am brabble und brichte. Mir sy nid geng glich sicher was sie meint, aber oft choi mir üs verständige.

November 5, 2014
I ha mini Uhr us dr’Reparatur chönne hole. Es isch es Erbstück vo mim Opa, und i bi u froh dass sie wieder ganz isch und louft.

November 3, 2014
Mir hei e usgiebige Spaziergang ir Nechi vo mire Bude ungerno und sy de drufabe no bi Manus Eltere verbi zumene spontane Bsüechli bi Grosmami u Ätti.

November 2, 2014
Da i vo üsere Kompaktkamera nüm grad begeisteret bi, ha ig e digitali Spiegureflex gchouft. D’Fotos sy eifach scho um Wäute besser.

Oktober 31, 2014
Es het chli duuret, aber itz sy d’Fotos vo Lüku sim Geburtstag bi üs itroffe.

Oktober 30, 2014
Dr’SCB het echt e Louf. Nach 6 Siege in Fouge ir Meischterschaft, hei d’Mutze hüt o im Cup gwunne (gäge Lugano) u sy itz im Cup-Viertufinau.

Oktober 28, 2014
Aus Dankeschön für ds’Chatzehüete hei Brunners üs zum Znacht zumene super-feine Fondue-Chinoise iglade.

Oktober 27, 2014
Üse letscht Spiu-Abe isch scho chli öppis her, drum hei mir diese Abe grad mängs neus Spiu zur Uswahl gha. Mängseh aus mir hätte chönne spiele :).

Oktober 25, 2014