Familie Wäger

Hie no es chlises Video vor Bohne wie sie am telefoniere isch.

Juli 4, 2014
Mir hei das supertolle Wätter gnosse u sy dr ganz Nami ir Badi z Steffisburg gsy. Das isch herrlech gsy.

Juli 3, 2014
Wo mir hüt es Bsüechli bim Grosmami u Ätti hei gmacht, het d Sandra ungerwägs dörfe ihre nöi Outositz usprobiere. Isch wahrschinlech no gwöhnigsbedürftig, aber im Grosse u Ganze schint er doch no bequem z sy. Natürlech hei mer aui gmeinsam no der Match verfougt u hei mitgfieberet. Si hei ömu es Super-Spieu abgliferet. Bravo Schwizer Nati!

Juli 1, 2014
S’Reby het hüt e chlini Singstar-Rundi organisiert, woni o iglade bi gsy. Es het u gfägt…u es isch tatsächlech na de vieri am Morge worde, bis i dahei is Bett trolet bi.

Juni 30, 2014
Mir hei hüt aues gäh, dermit d Sandra ihri erschti Nacht im eigete Zimmer cha verbringe. U nach getaner Arbeit, hets für üsi Chlini Bohne die erschte Frittli vom McDonalds gäh (inklusive Match luege).

Juni 29, 2014
I bi hüt mit der Marianne und der Ste s Züri ds Musical Dirty Dancing go luege (mis Geburigschänkli). Es het mer sehr guet gfaue u sie heis sehr guet umgsetzt.

Juni 21, 2014
Chum het d’Sandra o obe chli Zahn wo useluegt, het sie gmerkt dass sie dermit cha Grüsch mache => itz knirscht sie mit de Zähn…

Juni 20, 2014
Nachere längere Pouse drücke bir Bohne itz öppe grad 3 Zähn (aui obe) glichzytig düre. D’Schufle schyne aus hätt sie se vom Päpu gerbt 🙂

Juni 19, 2014
Ds’Chnorz vom „Metall-Strumpf“ het sech glohnt. Er macht sech guet guet aus Hauterig für üse Chrütergarte 🙂

Juni 18, 2014
I has chönne irichte dr ersteigeret Garte-Tisch mit Stüeu abzhole (bi Oensinge ume) u de o grad ufsteue. Sie hei üs sogar no grad derzue passendi Chüssi mitgä 🙂

Juni 17, 2014