Zum Inhalt springen

Familie Wäger

Brot und Spiele 😉

I ha üsem einte Beton-Pfoste mit viu Müeh und Not e „Metall-Strumpf“ agleit. Botz, isch das e Chrampf gsy.

Sinn vor Sach isch, dass d’Manu när es paar Gwürz und vilech no e paar angeri Pflänzli direkt cha a’Pfoste hänke und so dr’Pfoste optisch chli verschönere. Und natürlech o früsche Chrütli direkt zur Hang z’ha zum Choche 🙂 U so gseht’s bis itz us:

Juni 16, 2014
Und wieder es Geburtstags-Ching meh dieses Jahr (o wes kes Ching meh isch mitem 3 am Rügge :)) – Dr’Simu Brunner, zäges üse Nachber, het zu sim 31. Geburtstag zumne Feschtli iglade. Happy Birthday.

Juni 15, 2014
Nachdem mir die Wuche erfougrich üsi Garte-Lounge versteigeret hei, hei mir üs de o grad öppis Neus für d’Terrasse ersteigeret: e Holztisch inklusiv 6 Hochlehner-Stüeu.

Die Angeri wo i de letschte Minute mitbote het, het mi recht möge ärgere. Vorauem wüu sie nid kapiert het wie Ricardo funktioniert. Sie het nadisna im Mindest-Erhöhigs-Schritt bote und bote und bote und bote… Sie allei het öppe 100 Gebot abgä und isch geng outomatisch überbote worde wüu üses Limit höcher isch gsy. Sie…

Juni 15, 2014
Knapp 15 Stund nach erfougrichem Auktions-Endi, isch üsi Garte-Lounge scho nüm üsi, sondern abghout worde. So schnäu chas ga 🙂

Juni 12, 2014
Mir hei üsi Rattan Garte-Lounge erfougrich über Ricardo chönne versteigere mit meh Gebot aus mir dänkt hätte. Ds’guete Wetter und dr kommend WM-Start hei sicher ghoufe.

Juni 11, 2014
Mir sy hüt mit de Velos und em voubeladene Chariot id Badi s Steffisburg gfahre. Für d Sandra ischs der erscht Badeusflug mit Bädle gsy – zersch het si möglechscht nur d Zäiespitze wöue driha u nid viu später het si sech säuber vo der Stuefe abe is Wasser gsetzt, dass si bis zur Bruscht im Wasser isch gsy. U het e riise Fröid gha.

Juni 8, 2014
I ha e Bug wo mi scho syt Wuche immer mau wieder het beschäftiget (bi nid unungerbroche dranne gsy) ändlech chönne behebe und dür das ds’Projekt so z’säge chönne abschliesse.

Mai 19, 2014
Mir hei das schöne Wetter gnutzt und sy uf Spiez chli ga spaziere (bis uf Fulesee übere und retour). So chli dusse sy im Grüene mit Natur, See u früscher Luft het echt guet ta.

Mai 18, 2014
D’Sandra het hüt ihre erscht Geburtstag gfyret u Familie sowie Götti u Gotte iglade. Sy het sichtlech Spass gha u wird o i Zuekunft no viu Freud ha a au dene flotte Spiusache wo sie neu übercho het. Viele Dank euch aune.

Mai 17, 2014
D’Sandra wachst u wachst und so wird sy scho gli ihre neu Autositz (dä isch hüt glieferet worde) chönne benutze. Hoffentlech gfaut er ihre de o – es isch nämlech eine wo bis zum Schluss cha mitwachse.

Mai 13, 2014

←Vorherige Seite

1 … 59 60 61 62 63 … 108

Nächste Seite→

Stolz präsentiert von WordPress