Familie Wäger

Sterrys sy zum Znacht zu üs cho und mir hei zäme säuber Cordon-Bleu gmacht (gfüut mit Rohschinke, Vacherin und Spinat). Das sy gloub die beschte(!) Cordon-Bleu gsy woni bis dato ha gässe.

April 26, 2014
Nachdem i hüt o no mau bi go Probeschaffe, hani vorem Fyrabe die schöni Nachricht übercho, dasi der Job ha. Jetz darf i abem Mai im Cafe-Bar Lädeli zwüschdüre go schaffe. I freue mi riisig, da i bi de Probeschaffe ha gmerkt, dass das würklech fägt.

April 26, 2014
I ha mi digitau Biuderrahme itz mitere Hampfele Fotos vor Familie (primär vor Bohne) gfüeut u cha itz Föteli vo ihre gniesse wenni bim schaffe grad chli Ufmunterig bruuche.

April 24, 2014
Diese Morge isch d’Sandra zum erschte Mau vo ihrem Grosi ghüetet worde, während d’Manu es Probeschaffe gmacht het.

Aui Beteiligte hei nume guets wüsse z’verzeue. We d’Manu de Job überchunnt, de wird d’Bohne wüchentlech ds’einte vo beidne Grosis gseh. Ds’angere Grosi wohnt derfür viu nächer 🙂

April 23, 2014
Syt churzem isst d’Sandra zum Znacht us ihrem eigete Teller u itz hei mir o agfange ihre e Löffu id’Hand z’gä damit o sie so cha wie mir.

April 22, 2014
Am Ostermäntig ga häufe zügle isch zwar e chli e Mist, git aber glich (oder grad drum) e guets Gfüeu (u Muskukater :)) dass mä her chönne häufe

April 21, 2014
D’Familie Eggima (u Ahäng) het sech in Chnoflige troffe zumene Eiertütsch u chli sy. I ha da de o grad mi chürzlech neu Trick/Technik zum Eier schinte chönne demonstriere – u stuunend-verwundereti Blicke gerntet aus Reaktion.

April 20, 2014
Mir sy uf Schenke mis Mami u dr’Brösi ga bsueche. I ha no es Gschenk übercho, d’Schwizer-Charte für „Zug um Zug“, wo de o grad 2 mau in Schenke u no 2 witeri Mau in Heimberg iscj gspiut worde 😉

April 19, 2014
Bi üsem Bsuech in Schenkon het d’Bohne sich es ersts mau vo „ufem Buuch“ chönne ufhocke. Leider hei mir aui dr’Moment verpasst – sie isch eifach plötzlech ghocket.

April 19, 2014
So langsam wachst d’Sandra us dr’Baby-Wanne vom Chinderwage drus; u so ha ig mi entschlosse doch dr’eigetlech Sitz z’montiere. Isch viu ringer gange aus die im Lade das hei gloube gmacht 🙂

April 18, 2014