Familie Wäger

Da mir itz regumässig tüe Zähn putze mit dr’Sandra hei mir o es Zahnputz-Lied gsuecht und sy fündig worde 🙂

März 19, 2014
D’Sandra und ig hei üs hüt Nami der Chariot packt und sy när chly auf Achse gsy. Zersch sy mer zum Swiss Fun Rent s Stäffisburg, womer der Chariot här hei u hei s Bebemätteli gäg die nächschti Grössi tuscht. U nachem z’Vieri sy mer no i MacBaby chly go Outositze aluege. Es isch u luschtig gsy mit ihre ungerwägs. Si isch bau nonstop im Ahänger am umesinge gsy u het es rise Fescht gha 😉

März 17, 2014
Syt wenige Tag isch üses Meitschi fliessig am Liegestütze mache u lüpft ihre Buuch scho tou id’Höchi. Nüme lang u när klappet o das mitem Schnaagge.

März 16, 2014
D’Bohne het viu Freud we sie cha ihri Chlötzli noime drufplatziere; so wie zum Bispiu uf ihri Spiuzüg-Chischte.

Usnahmswys het sie nid bemerkt dass sie gfiumet wird. Das macht aube grad viu us 🙂

März 15, 2014
Wow, was für ne wunderbare Schatz mir im Spiu „Robinson Crusoe“ entdeckt: Gold! Leider het Gold ke Wert, da mir vorauem um üses Überlebe kämpfe u festsitze.

März 13, 2014
E mau chli angere Arbeitstag. I bi hüt Kursleiter gsy für 16 Dame vom Verein Inner Wheel und hane zeigt was ds’Club-System aues cha und wie mä’s am Beschte bedient.

März 10, 2014
I ha rächt müesse schmunzle, woni hüt bim ichoufe im Coop da drann verbi bi gloffe 🙂

März 7, 2014
Die kommende Zähn wei o putzt wärde… Mir hei feschtgsteut, dass es nid nur ei sondern zwe Zähn si, wo unge chöme 🙂 u dä rächts isch jetz scho es bizli sichtbar, da hani mer doch dänkt, mir mache d Sandra hinech mit ihrem Zahnbürschtli u Zahnpaschta vertrout. Si het s Zahnputze sehr interessant gfunge.

März 6, 2014
D’Manu u ig hei üs z’Zwoite höch versuecht am Robinson Crusoe Szenario wo mir am Sunnti so locker gwunne hei, und mir hei beidi mau grässlech ufe Techu übercho. I has gliebt 🙂

I ha mi ja chli „bechlagt“, dass ig es bitzeli enttüscht bi gsy wüu mir das üs unbekannte Szenario am Sunnti im erschte Alouf hei gschafft. Itz isch wieder guet – irgendwie hanis haut bi däm Spiu lieber wenn mä nid geng gwinnt.

März 5, 2014
Gschafft! Üsi Stürerchlärig isch verschickt und frei gäh. So früeh bini äuä no nie gsy (eigetlech hätti se sogar beteits am 26.2. fertig gha).

März 4, 2014