Familie Wäger

Nach dene letshe Wuche mit viu Schaffe git’s itz endlech es paar Tag frei anenang.

April 17, 2014
I ha ume eis Geburtstag gha u ha viu Glückwünsch, cooli Gschenk u vorauem e gueti Gseuschaft dörfe gniesse. Viele Dank euch aune!

April 15, 2014
Aus Star Wars Fan het mi Geburtstag scho super agfange woni am Morge ha spzieuschti Chuguschryber übercho. Ab itz schrybeni mit dr’Macht!

April 15, 2014
Reby u Lüku sy de Namitag z’Bsuech cho u mir hei üs ere chlinere brettspiu-Orgie häregä 🙂 Da ds’Wetter guet isch gsy hei mir üs usegsetzt u so nebe de Spiel o d’Sunne chönne gniesse.

April 12, 2014
Mir sy spontan vo Moors iglade worde zu Würst vom Grill (nachdem d’Manu u ds’Gabi scho e Nami zäme verkäfelet hei). D’Sandra het ihrem Götti o grad chönne bewiese was für ne Fleischmoudi sie doch isch 🙂

April 3, 2014
Hüt het d’Sandra ihres erschte offizielle Wort gseit: „Päpu“. E gwautige Moment!

April 3, 2014
Bin Fyrabe mache hani gseh dass Bumblebee näb mir het parkt. Es schöns Auto, o wenn d’Luftschlitze bim Hingerrad fake und nume ufgmale sy 🙂

April 1, 2014
Ab hüt gits Rande im Mittagsbrei! Mmhm fein … 🙂

März 27, 2014
Mir sy guet in Brüssel acho und hei vo üsem Gastgeber o grad direkt e Sightseeing-Tour übercho (Innestadt, Atomium et cetera). Drufabe sy mir im 2.-grösste Bowling Center vo Europa (Bowling Stones mit 36! Bahne) ga esse.

März 26, 2014
mediacoding gits sit 10 Jahr und so sy mir dick ga esse z’Bern u när no chli dür d’Gasse zoge.

März 21, 2014