Familie Wäger

Ir Müettereberatig hei mer hüt festgsteut, dass jetz d’Sandra scho 59 cm gross isch. Das geit irrsinnig schnäu.

August 21, 2013
Dieser Tage faht d’Bohne meh und meh afa griife und gspüre und d’Finger nutze; u so het sie mehreri Minute lang Mamis Nase müesse betaste und alänge.

August 20, 2013
Nachdem mir ufem Gurte si gsi am Namitg, si mir am Abe spontan zur Gotte Ste und zum Jerry. D’Bohne u d’Ste hei ja cheibe fescht zäme möge chüderle u brichte 🙂

August 19, 2013
Und erneut hani d’Wäutherrschaft in Civilization V chönne erringe. Diesmau hani e Kultursieg errunge und die ganz Wäut treit miner Blue Jeans und lost mini Pop-Musig 🙂

August 18, 2013
Inzwüsche laat sech d Sandra bim trinke la ablänke…sogar vo sich säuber. Hüt het si während em trinke duurend gfurzt, da hei mer beidi afa gugele u si het fasch nid chönne witertrinke.

August 16, 2013
I bi hüt Abe mitem Gabi go shoppe. Z erschte mau, woni d Sandra nid ha drbi gha. Isch komisch gsy, het aber o mau guet ta.

August 15, 2013
Dä Abe hei d’Bohne und ig zum erscht Mau allei (auso z’Zwoit) müesse z’Schlag cho. Mir si Beidi dr’Meinig, dass mir das super gmacht hei.

August 15, 2013
Das isch ja schnäu gange… Mis us de Staate ersteigerete Schwert (Ice, Sword of Eddard Stark us A Song of Ice and Fire [aka Game of Thrones]) isch bereits bi üs acho.

Uf dem Bild chunnt die speziell verzierti Klinge nid so zur Geltig. Hie geit’s zum Produktbild wome’s besser gseht.

August 15, 2013
D’Manu und i hei ds’neue Brettspiu „Jamaica“ usprobiert. Es optisch wunderschöns Spiu wo sech liecht laht la spiele; churzi, knackigi Rundene het; und mä schlüpft id’Roue vo Pirate!

August 14, 2013
Dieser Tage isch ds’Berndütsche Wörterbuech, wo mir bsteut hei, itroffe. Das isch e wahre Fundus für urchigi Usdrück und scho fasch e Duden für die Berndütschi Schrift.

Mi Favorit bis itze isch ds’Wort Chräätzigoum füre Chindergarte 🙂

August 13, 2013