Familie Wäger

Mir hei mi Pouterabe gfyret und d’Jungs hei mi überrascht miteme Usflug id’Paintball Arena. Das macht no meh Spass ausu denkt ha, o weme när verschwitzt u vou blaue Flecke isch 🙂

September 20, 2013
Ds’Coding-Problem woni i de letschte Tage jewius vor mi hergschobe ha, het sech viu eifacher la löse aus erwartet. Woni mi ha dra gsetzt het sech dr’Code fasch vo alleini gschrybe u sofort funktioniert.

September 17, 2013
Mir hei Mikes 30. Geburtstag miteme tolle Ritter-Fest gfyret (inklusiv Bogeschiesse u Spanferkel) u ig ha dr’Punkt „Schotterock trage“ vo mire Bucket-List chönne abhägle 🙂

September 15, 2013
Mir hei hüt dörfe am Mike si Geburtstag fiire. Z Fescht het zum Thema Mittelerde / Mittelalter stattgfunge. Es isch es schöns Fescht gsy. I hätt sogar dr Sandra die Wuche es süesses Kostüm baschtlet… Si hets aber scho gly nümm anne gha, wöus süsch z warm wär gsy.

September 15, 2013
D’Sandra wott jetz o Zähn 🙂 Üsem Meitschi tuet doch jetz tatsächlech scho dr eint oder anger Zahn düredrücke.

September 14, 2013
D’Hockey-Saison het gstartet und üse SCB het e Sieg daheime chönne fyre, o wenns leider nume 2 Pünkt het gä derfür.

September 13, 2013
Ds’Reby Moor het Geburtstag gfyret und so hei mir üsi säuber-bastleti Schul-Tüte chönne übergä.

September 12, 2013
I bi mit dr’Ste mi Hochzyts-Azug ga ussueche. I bi glücklech mit mire Wahl u finge es stöng mir soumässig guet 🙂

September 11, 2013
Mir hei hüt e Bastu-Abe gmacht, chöi eifach no grad nid viu drüber verzeue 🙂

September 10, 2013
D’Baby-Geste zeige Würkig. Bir Geste für Wickle reagiert d’Bohne scho sehr guet un freut sech druf miteme breite Smile.

September 9, 2013