Familie Wäger

Es isch ungloublech – mir si miteme Helikopter-Flug über d’Stadt Bern überrascht worde. Bsungers d’Neigig im Heli isch dr’Wahnsinn bim Kurve flüge (oder o scho grad bim Start).

September 28, 2013
Wow, was für ne super Zeremonie und Red wo Mike Moor für üs organisiert und vortreit het!

September 28, 2013
Nach Tage und Wuche mit Organisiere und Seckle geits itz (endlech) los. D’Manu und ig fyre hüt üses Hochzyts-Fescht!

September 28, 2013
De doch mau wider der Match gwunne 🙂 u d’Sandra het mitgfieberet

September 27, 2013
Ir Müettereberatig hei mer mau wider Gwicht und Grössi gmässe. D’Sandra isch jetz scho 61 cm gross und 6910 gramm schwär. Isch nümm sones Bebeli. Leider hei mer o grad usegfunge, dass sie und ig e Pilz hei (Soor) womer jetz müesse mit Saubi behandle.

September 25, 2013
I ha äuä mau wider öppis luschtigs gseit, dass üses Meitschi mau wider nid cha höre mit gugele

September 24, 2013
Es isch super! Mini uf Ricardo ersteigereti Näimaschine isch hüt cho (nöi u mit 2 Jahr garantie, direkt vomne Bernina-Gschäft). Itz bini vouer Tatedrang…mues aber zersch chli luege, wie sie überhoupt funktioniert. Für mis erschte Projekt hani ömu scho fasch aui Utensilie 🙂

September 23, 2013
Hüt hei mer jetz no z Wyler-Familiefescht gha (nachdäm Eggimann o im September isch gsy). Es isch schön gsy, soviu Lüt mau wider z’gseh, da merkt me wider wie schnäu die Zyt doch vergeit…

September 22, 2013
Ja, o i bi vo de Ladies überrascht worde. Mir si u fein ga ässe. I ha de Abe richtig gnosse. U d Überraschig isch so was vo glunge, i bi fangs 24h vorher uf d‘ Idee cho, dass z gmeinsame go Ässe mit Moors nur e Vorwand chönnt sy.

September 21, 2013
I ha dr’Azug woni letscht Wuche usprobiert u bsteut ha, chönne ga hole. D’Apassige vor Schnyderinpasse sehr guet – i bi sehr z’friede.

September 21, 2013