Familie Wäger

Es het einiges länger duuret aus sie im Lade hei gseit, aber itz isches sowit – mir hei üse Chinderwage chönne abhole.

April 3, 2013
Ja, jetz bini d Frou Wäger 🙂 u jetz heissts mau aui Uswise und Dokument z ändere. Das wierd mer e schöni Sach gäh, bis das aus usgwächslet isch, aber egau, i wott ja nid jammere, d Fröid isch viu grösser.

April 2, 2013
Itz isches sowit, d’Manu u ig hei üs ds’Ja-Wort gä u si per sofort Maa u Frou. I freue mi scho wenni z’erschte Mau cha säge „mi Frou …“ 🙂

April 2, 2013
U scho wieder simer ir Praxis vom Frouearzt gsi. Diesmau hei mir aber dr’Geburtsvorbereitigskurs gha.

März 9, 2013
Mir si ume eis mit dr’Bohne ir Ungersuechig gsi u hei d’Herztön dörfe losse. Kommentar vom Arzt „Tönt sehr chräftig; sie wird nech de gä!“ 🙂

März 8, 2013
Endlech wieder mau hei dr’John u i chönne irichte zäme es paar Bierli zwitschere. Das müesse mer ume öfters mache 🙂

März 7, 2013
So, üse Ehe-Vorkurs isch erfougrich absolviert. Mir dörfe hürate und hei o grad chönne ds’Datum usmache.

März 6, 2013
Dr’Früehlig geit los, hani hüt bereits dr’erscht Schmetterling gseh. Hoffe mir doch, dasses witer warmet.

März 5, 2013
So langsam isch dr’Name Aschi definitiv Gschicht => d’Kategorie wird umbenannt zu „chlini Bohne“.

März 4, 2013
Die chlini Bohne wachst u wachst u so isches für üs a dr’Zyt d’Zimmer umzsteue. Hüt hei mer itz ds’Büro gleert. Itz müesse mir „numeno“ d’Möbu umsteue u wieder iruume.

März 3, 2013