Familie Wäger

E Aktion bi M-Electronics het mi haubwegs spontan derzue verleitet mir e GoPro Hero3 (Black Edition) z’gänggele. Das Ding isch echt geil u i freue mi scho druf, wenni mau wieder im EuropaPark bi oder ähnlechs 🙂

Es Review wird fouge sobaud ig die erschte bruchbare Test-Videos gmacht ha 🙂

April 25, 2013
Bim Iruume und Sortiere vo üsere gmeinsame Buechhautig isch mir mi erscht Lohnuswis id’Häng cho.

April 23, 2013
So, nach diverse Arbeitsschritte isch dr’Chinderwage fertig ufpimped. I finge die neue 2-farbige Felge gäbe guet öppis her u si stimmig. Die chlini Bohne wird sech sicher freue 🙂

April 20, 2013
Dr’Früehlig chunnt! Mir freue üs sho riesig uf die wärmere Tage wo vor üs liege.

April 19, 2013
Nach längere Verhandlige hei mir d’Garage doch übercho zumne reduzierte Mietzins. Vorussichtlech mitti mai chöi mirs übernä.

April 18, 2013
Sone schön sunnige Abe muess me doch gniesse – da si John u ig üs einig gsi, u so simer id’Miuchbar eis ga zieh.

April 17, 2013
Was für ne geile Abe! Zersch hani e Gitter-Absperri verschobe und so e Parkplatz bim Stadion „ersteut“; när het CapitolFM ir Drittus-Pouse üser fachkundige Meinige gsendet; u schlussendlech isch Bern verdient MEISCHTER worde!!!

April 16, 2013
Viele liebe Dank a aui wo hüt a mi denkt hei, sech gmäudet hei, oder gar si verbi cho. I ha mi huere gfreut!

Und de hei mers no grad super breicht mitem Wetter… Es isch echt geil we me problemlos bis nach de 22:00 cha uf dr’Terrasse höckle u dorfe.

April 15, 2013
Obwou Manus Chatze normalerwis recht erfouglos si aus Jäger, hei mir hüt e tote Vogu ir Wohnig gha – sicher es Gschenk für mi 🙂

April 15, 2013
Miner Wäger-Froue hei zämegspannet zum mi ufe 30. Geburi häre z’überrasche, was ihne o vou glunge isch. I ha nüt, aber o gar NÜT gschmöckt – dir sit super!

April 14, 2013