Familie Wäger

I ha vor Armee es Schrybe übercho wo sie mir mitteile, dass ig Gäud zrügg überchume woni füre verpasst WK 2007 izaut ha. Das bini natürlech sofort ga abhole 🙂

Mai 10, 2013
Sones längs Wuchenend isch eifach scho toll – das sött me öfters ifüehre 🙂

Mai 9, 2013
Ching so scho super. A Joshuas Geburi-Fescht hani vom Polizist Levi e Buess übercho über „soviu Geld wie me nüm het“. Dä weiss scho wie 🙂

Mai 8, 2013
Mi neu Arbeitsplatz isch endlech itroffe (e 27″ iMac). Es isch fang Zyt worde, het doch dr’Alt afa umezicke und langsam werde.

Mai 6, 2013
Wow, d’erschte WM-Spiu vor Schwyzer Nati isch sehr attraktiv zum zuluege gsi o wesis gäge Schluss no fasch verchauberet hätte…

Mai 3, 2013
I ha uf Genf anes Meeting mitdörfe wo fasch usschliesslech isch Franz gredt worde. Zu mire Freud hani doch fasch aues verstande.

Mai 2, 2013
Es het wieder mau es paar Alpacas gä wo hei wöue gschore werde. D’Wulle vo dene Tier isch echt agnehm u vorauem cha me se o guet witerverarbeite zu Chleider oder Duvet.

Mai 1, 2013
14 Tag nach mim Geburi hanis itz doch no gschafft u fahre ab itz mit mim Geburi desume. Itz darfi eifach nid usem Kanton usezügle…

April 29, 2013
Nachere längere Zyt hei mirs wieder mau gschafft e Spiu-Abe düre z’füehre. Siedler vo Catan isch eifach scho spannender weme z’Vierte isch – u bim druffougende Cluedo hei mir grossteils verseit, was ufene eigeti Art ungerhautsam isch gsi 😉

April 27, 2013
Itz isch besieglet. Dr’Mano wird dr neu Halter vo „BE 22892“ werde. Mi freuts dasses ihn freut mit so toifer Nummere z’fahre.

April 26, 2013