Familie Wäger

Hüt isch no es letschts Mau d Hebamme, d Barbara verbicho. I ha no glehrt, wie me amne Baby tuet Naseputze. Isch fangs guet, de mues üsi chlini Bohne nümm so grunze ir Nacht.

Juni 5, 2013
Endlich isch ds’Wetter u Temperature wieder besser worde u so hani mir d’Glegeheit nid la nä u ha prompt die churze Hose montiert.

Juni 4, 2013
Mi erscht Tag allei mit dr Sandra… Mir si go spaziere, go ichoufe (nid i der Stosszyt!) und bädlet hei mer o no. D Zyt a däm Tag isch verbi wi im Flug.

Juni 3, 2013
Mir hei vo mine Budekollege (de mediacoding Globibänze) es Gschenk mit Charte zur Geburt vor Sandra übercho. Bsungers d’Charte gfautmir sehr guet. Viele Dank.

Juni 3, 2013
Das Wuchenend isch recht öppis gange. So isch spontan no dr’Cou-Cousin Bsuech cho.

Juni 2, 2013
Mir hei üs im Verlouf vom Nami mit Moors zum Spaziere troffe u hei aschliessend e gmüetleche Abe mit Spiis, Trank u guete Gespräch verbracht.

Juni 1, 2013
Ir Garage hei mir dä Abe wöue nutze zum ds’massive Gsteu umzpositioniere. Leider hei mir üs chli verschätzt u drum nid ganz dr’effizientischt Wege igschlage…

So isch itz ds’Grundkonstrukt vom Gsteu zwar bereits am neue Standort, aber vo ufbout z’rede wär de dich chli drigjuflet 🙂

Mai 31, 2013
I ha grad mis erste Video bearbeitet und aschliessend bi YouTube ufeglade.

Das Ganze cha me hie „bestuune“.

Mai 30, 2013
Dr’Mano u i si ir Werkstatt gsi u hei a sim Golf 1 GTI bastlet. Ergebnis vom Abe isch es entrostends Teili und e abzogni Rückelehne vom Bifahrer-Sitz.

Mai 27, 2013
Hüt si ds’Reby u dr’Lüku z’Bsuech cho zum Znachte u aschliessend chli spiele u dorfe.

Und natürlech o zum d’Bohne cho bestuune.

Mai 25, 2013