Zum Inhalt springen

Familie Wäger

Brot und Spiele 😉

Mir hei e Autolift ir Garage! Botz Cheib isch das e Sach gsi bis mir de hei abglade gha…

Juni 15, 2013
Dr erscht Chinderarzttermin wär o gschafft. D‘ Sandra het nach eim Monet 982 gramm meh uf de Rüppi und isch 5 cm gwachse (jetz 53 cm gross). Si het sech o bir Ärzti wider ganz vorbiudlech präsentiert und isch di meischti Zyt sehr ruhig blibe. U d‘ Frou Dokter isch auso e sehr sympateschi.

Juni 14, 2013
Die erschte Lüt hei üses Geburtsvideo für d’Sandra bereits chönne aluege und hei üs mitteilt wie sehr sie sech über das Video gfreut hei. Das macht Freud o für witeri Mau es Video zäme z’schnide.

I has itz o no uf YouTube gsteut damit mes o cha aluege we mä grad ke DVD-Player zur Hand het =)

Juni 13, 2013
Hüt Nami isch d Frou Berger vor Müettere- und Vättereberatig cho luege wies louft. Vorem Gspräch hei mer d Sandra gwoge (inzw. bringt si 3’975 gramm uf d Waag) u när het doch das Lusmeitschi s wisse Blusli vor Frou Berger versch***.

Juni 12, 2013
Nachdem mir geschter no aui Geburts-Chärtli DVDs i Hülle und Couvert packt hei, het d’Manu se hüt chönne uf d’Post tue. Sie werde i dere Wuche bi euch itrudle.

Juni 10, 2013
D’Bohne het vo Sterrys es schöns Armband mit ihrem Name druf übercho. Es isch ihre no chli z’gross – mir wei ja nid, dass sies verliert wie d’Gotte Ste ihres het verlore aube 🙂

Juni 9, 2013
Nacheme lange und eher monotone Samschti si itz aui DVDs bedruckt u brennt. Git es guets Gfüeu zwüsse was me gmacht het. Itz geits no a ds’Ipacke.

Juni 8, 2013
So, drü Wuche nach der Geburt bringe jetz o ig mi Ehering übere Ringfinger.

Juni 8, 2013
Jetz isch ändlech er Sandra ihri Buchnabu-Chruschte abgheit. 🙂

Juni 7, 2013
Dr’Geek i mir (GeekDad?) het wieder mau zuegschlage =)

Juni 7, 2013

←Vorherige Seite

1 … 83 84 85 86 87 … 108

Nächste Seite→

Stolz präsentiert von WordPress