14 Tag nach mim Geburi hanis itz doch no gschafft u fahre ab itz mit mim Geburi desume. Itz darfi eifach nid usem Kanton usezügle…
Itz isch besieglet. Dr’Mano wird dr neu Halter vo „BE 22892“ werde. Mi freuts dasses ihn freut mit so toifer Nummere z’fahre.
Nach längere Verhandlige hei mir d’Garage doch übercho zumne reduzierte Mietzins. Vorussichtlech mitti mai chöi mirs übernä.
I ha e neue Rekord igfahre bezüglech Kilometer pro Tankfüuig – 667.6 Km, was amne Schnitt vo 8.69 Liter pro 100 entspricht.
Wow, d’AMAG het mi positiv überrascht hüt – dr’Service isch gratis u mit de Felge wei sie no luege.
I ha dr’Audi am Morge zur AMAG bracht füre Service. Bimne Kaffee het mi dr’Service-Mitarbeiter gfragt ob grad Öppis aliege mitem Fahrzüg.
Mir si da de scho einigi Frage i Sinn cho (zB wägem Biifahrer-Airbag und dr’Baby-Schale, dr’überifrige Wöschdüse für d’Xenon-Liecht) und i ha ihm vo mine neu ersteigerete Felge verzeut (dene hie).
Darf i mi vorsteue – I bi dr’neu u stouz Bsitzer vom Kontrouschild „BE 15483“.
Was bini uf dr’Heireis froh gsi um mis neue Auto mit quattro; bi dene Wetterbedingige hätti ja nid im Micra wöue sitze.
Bereits näbem Neufeld-Parking ar Ample het Eine nüme chönne afahre, sövu hets möge häre schneie.