-
Ds’vor churzem uf Ricardo ersteigerete Brettspiu „Formula D“ isch e Voutreffer. D’Manu u ig hei üs grad mehrmaus in Monaco es heisses Auto-Renne glieferet mit de zum Teil dümmschte rennfahrerische Entscheide. Echt e glungni Balance zwüsche Istiegerfründlechkeit, Chaos und e Portion Plannig.
-
Aus erschti Versuechskaninchen hei Reby+Lüku müesse härehaute und knauhert Red u Antwort sta bezüglech em Verzehr vo mine 4-Stunde SpareRibs. Drufabe hei mir dr’Abe miteme gmüetlech Brettspiu la usklinge (drum heisst üsi Brettspiu-Gruppe o „Brot und Spiele“). Ah, und d’Manu het öppe dr’bescht Härdöpfu-Salat gmacht wos je hets gits!
-
I bi i ds’Vergnüege cho und ha wieder mau e 5-Spieler Partie vom Brettspiu „Game of Thrones“ chönne spiele. D’Mitspieler hei o die passende Attitude mitbracht und so hei mir üs verbündet u betroge, hei verhandlet, bedroht und generell Ränke gschmiedet.
-
Vor es paar Tag hani aui Brettspiu usgstoubet und uf Ricardo gsteut. Hüt hei d’Auktion geendet u i bi überrascht wieviu druf bote worde isch 🙂
-
Üsi soebe beendeti Partie vo Pandemie Legacy isch a Spannig chum z’überbiete. Dr’Sieg isch uf derart uf dr’Kippi gsy, dass mir nume ke einzigi Charte meh hätte dörfe ufdecke… Aber so sy mir siegriich bliebe u hei d’Menschheit o im Juni (Story-Kampagne) grettet.
-
Nachdem i syt afangs Jahr regumässig dr’Donnschtigs Spiu-Abe im phönix bsueche, bini hüt o ad’Thuner Spiunacht. Totau sy mir guet 25 Persone gsy wo hei mitgmacht, was mitunger o zumne 10-Spieler „Nobody is Perfect“ het gfüehrt.
-
I ha am phönix spiele in Thun e Tschuppele gueti Brettspiu, wo sträflech weni (bis gar nid) sy gspiut worde vo üs, vermacht – für die persönlechi Sammlig oder für d’Occassion-Chischte, wie ihne beliebt. Es git es guets Gfüeuh we mä so chli Öpppis cha zrügg gä.
-
Nachdem ds’Spiu“Pandemic Legac“ scho es paar Tag umeliegt hei mir’s itz endlech i Agriff gno. Wow! Das isch echt öppis ganz angers aus aues Bisherige.
In Pandemic Legacy spiele d’Spieler zäme um gmeinsam aus Team vor Süche-Schutz Behörde d’Menschheit vor 4 grasierende Krankheits-Erreger z’rette. Ds’Spezielle isch itze, dass mä im Verlouf vom Spiu ds’Spiu-Materiau söu modifiziere. Ds’Spiu chunnt miteme ganze Boge vou Chleberli wo mä unger gwüsse Umstände uf ds’Brett, d’Charte oder schüschtigs Materiau söu druf chlebe. No heftiger wirds, wenn mä mit…
-
Im Verlouf vor Zyt hei sech so es paar Brettspiu agsammlet, so dass mir itz e Usmischtete agfange hei. Aus erschts hei mir bi üs ir Gruppe nachegfragt ob öpper am Öppisem interessiert isch – dr’Rescht wanderet öppe de uf Ricardo oder so.
-
I bi z’erschte Mau a Donnschtigs Spiu-Abe vom Thuner Spiu-Lade Phoenix. I ha netti Lüt lehre kenne u de o grad 6 neui Spiu gspiut.