-
Mir hei üs diese Abe mitem Lüku zäme a ds’Brettspiu „Die Zwerge“ gwagt und e doch recht klari Niederlage müesse erliede – u das uf dr’Schwierigkeit Afänger… 🙁 Aber Spass gmacht hets trotzdem u mir werdes wieder versueche 🙂
„Die Zwerge“ isch es kooperativs Spiu wo aui Spieler gmeinsam am gliche Strang zieh zum ds’Spiu z’besiege. Ds’Spiu louft uf Zyt (nach spätestens 48 Spiuzüg isch Schluss) und d’Spieler müesse e Viuzau vo Ufgabe erfüue zum ds’drohende Unheil chönne abwende. Jede Spieler schlüpft id’Rolle vomene Zwerg mit ungerschiedleche Fähigkeite (Kampf, Diplomatie, Handwerk) und mä versuecht…
-
Mir si bsuecht worde vom Reby und em Lüku u hei e glungne Abe mit Grill u Brettspiu dörfe verbringe. U ds’Reby isch e Meister im Goimele 🙂
Und entgege dr’gängige Meinig vor Manu („Pädu gwinnt geng“) het sie üsi recht längi Trivial Pursuit Rundi für sich chönne entscheide.
-
Nachere längere Zyt hei mirs wieder mau gschafft e Spiu-Abe düre z’füehre. Siedler vo Catan isch eifach scho spannender weme z’Vierte isch – u bim druffougende Cluedo hei mir grossteils verseit, was ufene eigeti Art ungerhautsam isch gsi 😉
-
Ds’Reby u dr’Lüku si bi üs verbi cho zum Brunch und aschliessend e Namitag lang z’spiele. Einisch meh het sech üse Spontan-Chouf vor SwissToy (ds’Spiu „Las Vegas“) aus Glückgriff erwiese 🙂
-
Hüt isch e Wunderbare Sunnti gsi. Mir si zum Brunche iglade worde bi Moors. Drufabe hei mir zäme bi Kafi u Bier ihres neue Brettspiu usprobiert (Jäger der Nacht) – es sehr es glungnigs Spiu mit viu Nervechitzu. Nachdem mir no zäme si ga loufe heimer dr gmeinsam Tag miteme feine Raclette abgschlosse.
-
I de letschte Arbeitstage bini vom T (Trevor) gfragt worde ihm dr’Rubik-Würfu z’erkläre. Itz geits scho vei guet u dr’T chane fasch ohni Spicker komplett löse.
-
Alle Jahre wieder; so si mir o dieses Jahr wieder a d’SwissToy und hei üs über neui BrettSpiu, Pfadi und o E-Games informiert.