-
D’Manu u ig hei üs z’Zwoite höch versuecht am Robinson Crusoe Szenario wo mir am Sunnti so locker gwunne hei, und mir hei beidi mau grässlech ufe Techu übercho. I has gliebt 🙂
I ha mi ja chli „bechlagt“, dass ig es bitzeli enttüscht bi gsy wüu mir das üs unbekannte Szenario am Sunnti im erschte Alouf hei gschafft. Itz isch wieder guet – irgendwie hanis haut bi däm Spiu lieber wenn mä nid geng gwinnt.
-
Diese Sunnti Namitag si Reby und Lüku zu üs cho und mir hei üs nume so dür d’Brettspiu daddlet und glichzytig d’Grillsaison eröffnet 🙂
Mir hei d’Spiu viu Spass gmacht, aber i wünschti mir scho, dass mir ds’Robinson o mau verliere we mer z’Vierte höch spiele. We d’Manu ug ig z’Zwoite höch spiele, de isches nämlech öppe 50-50 ob mir uf dr’Insle überlebe oder sterbe 🙂 Robinson isch es kooperativs Spiu wo verschiedeni Szenarie bietet rund um ds’Thema…
-
I ha mi nach knapp 20 Jahr wieder mau a ne Nähmaschine gwagt zum Öppis schnurpfe. Gä hets e simple Sack zum d’Charte vom Spiu Carcassonne eifach chönne z’mischle und zieh.
-
D’Manu u ig hei e Rundi „Pandemie“ gspiut. Nach sehr guetem Start het ds’Spiu sech gwehrt u innert 2-3 Rundi sy mir churz vorem Verliere gsi. Mir heis de aber nomau chönne chehre u d’Wäut rette.
-
Üser Spiu-Abete klappe guet u finge regumässig statt. Diesmau hei mir zersch bim Match mitgfieberet u aschliessend hei mir tichlet (Tichu gspiut).
Mir sy eigetlech e grossteils unerfahreni Rundi gsi u so het sech lang niemer gwagt e Tichu a z’säge (sobaud me z’erschte mau dra chunnt z’bhoupte dass me die Rundi wird gwinne). Recht spät im Spiu hani de doch es Blatt gha woni mi uf d’Äst ha usegwagt dermit – u ha de das o…
-
Und wieder e Spiel-Abe *freu*. Mir sy bi Reby und Lüku zumne feine Znacht iglade worde und hei drufabe es für üs neus Spiu lere kenne: (Brändi) Dog. Gemäss em Reby isch üsi Rundi aber viu z’brav usgfaue; es gäb normalerwys meh Fieseleie, Konflikte und erhobeni Stimme. Spass gmacht hets üs trotzdem sehr 🙂
-
Nach einigem organisiere hei mirs mau wieder gschafft e Spiu-Abe düre z’füehre. Zersch hei mir üs miteme feine Fondue gstärcht, drufabe hei mir vorauem ds’kooperative Spiu „Pandemie“ gspiut – und si cheibe guet gsi im Kampf gäge d’Erreger.
Ds’Ziel in „Pandemie“ isches gäge 4 verschiedeni Chrankheits-Erreger Heilmittu z’finge. Immer wenn e Spieler si Zug beendet het, macht me dr’Zug vom Spiu – i dem Fau Chrankheite usbreite und wes dumm geit sogar e Epidemie erzüge. Ds’Spiu schaffts immer wieder innert wenige Züg e schynbar kontrollierti Situation z’erskaliere so dass d’Spieler wieder au Häng vou…
-
Sone Sunnti eignet sech haut eifach scho guet aus Spiutag. Mit Reby und Lüku zäme hei mir dr’ganz Namitag verspiut und derbi vorauem die neue Spiu intensiv usprobiert.
Ds’wunderschön gstautete Spiu „Jamaica“ (das hei mer chürzlech erwähnt ufem Blog) isch ds’Vierte höch grad viu intensiver; es giut viu meh Seekämpf und o ds’Häbe vomne Schatz isch einiges schwieriger bi soviu piratischer Konkurrenz 🙂 Drufabe hei mir no „Zug um Zug“ gspiut. Das Spiu het d’Manu u mi soso-lala dünkt wo mir’s z’Zwoite…
-
D’Manu und i hei ds’neue Brettspiu „Jamaica“ usprobiert. Es optisch wunderschöns Spiu wo sech liecht laht la spiele; churzi, knackigi Rundene het; und mä schlüpft id’Roue vo Pirate!
-
Mir hei üs nomau am Brettspiu „Die Zwerge“ versuecht und hei dank apasster Taktik e grandiose Sieg chönne heibringe 🙂 Znächscht Mau erhöhe mir dr’Schwierigkeitsgrad uf jede Fau.