-
Mir hei d’Familie Moor zum Znacht zure Burger-Party iglade. Botz, sy das geili Burger worde 🙂 Mike u ig hei üs de o grad liecht überesse derbi =)
-
D’Sandra isch fang richtig guet im Usschlecke vom Teller. Das het sie vorauem vom Päpu glehrt.
Und säubstverständlech het das Nüt mit fehlende Maniere z’tüe, sondern isch rein nume es Kumpliment id’Chuchi 🙂
-
Mir sy vo Reby und Lüku iglade worde zum Znacht i ihrer neue Wohnig. E schöni Wohnig und sie hei o bereits guet igruumt und sy acho.
Mir hei aus Mitbringsu für ds’früsch zämezüglete Paar ds’Chartespiu „Love Letter“ mitbracht. E voue Erfoug! Nachem Znacht und zäme dorfe hei mir grad 4 Partie gspiut à je ca 4-6 Rundine. I ha säute schlecht gspiut (d’Charte dürenang bracht, schüsch es Gstürm gmacht oder eifach o nume Pech gha) und ersch ir zehnte Rundi…
-
No meh Geburtstäg die Wuche 🙂 Hüt hei d’Schnegg-Zwillinge iglade ihres 3 am Rügge mit ordentlech Fleisch und … eh „Getränk“ z’begiesse 😀
Mir sy am Abe no iglade gsy, u so hei mir (d’Bohne u ig) dr’Namitag mit Schneggs gnosse.
-
D’Sandra het ds’Chatze-Fuetter entdeckt und fingt’s schynbar no so fein. Sie suecht ömu geng wieder dr’Weg zu de Gschirli.
-
Sterrys sy zum Znacht zu üs cho und mir hei zäme säuber Cordon-Bleu gmacht (gfüut mit Rohschinke, Vacherin und Spinat). Das sy gloub die beschte(!) Cordon-Bleu gsy woni bis dato ha gässe.
-
Syt churzem isst d’Sandra zum Znacht us ihrem eigete Teller u itz hei mir o agfange ihre e Löffu id’Hand z’gä damit o sie so cha wie mir.
-
D’Familie Eggima (u Ahäng) het sech in Chnoflige troffe zumene Eiertütsch u chli sy. I ha da de o grad mi chürzlech neu Trick/Technik zum Eier schinte chönne demonstriere – u stuunend-verwundereti Blicke gerntet aus Reaktion.
-
Mir sy spontan vo Moors iglade worde zu Würst vom Grill (nachdem d’Manu u ds’Gabi scho e Nami zäme verkäfelet hei). D’Sandra het ihrem Götti o grad chönne bewiese was für ne Fleischmoudi sie doch isch 🙂
-
Mir hei im Aute Tramdepot am John sini Fründin (o e Sandra :)) dörfe lehre kenne und gmeinsam e gmüetleche Abe mit feinem Ässe verbringe.