-
Brunche bi John u Sandra
Nur wenigi Tage nacheme feine Znacht mit Gabi u Mike, si mir bi John u Sandra iglade gsy zumne usgiebige Brunch. Nachdem mir üs d’Büüch ar üppige Uswau vougschlage hei, si mir aui no chli zäme ga spaziere u mir hei glehrt, dasses nume wenigi Minute näbe ihrer Wohnig usgseht wie viu witer ufem Land…
-
Fein ga Ässe mit Gabi u Mike
Mir vier hei dieses Jahr scho mehrfach versuecht gmeinsam e Abe z’finge zum zäme fein ga z’ässe. Leider hei üser Termine nid wöue zämepasse, oder es isch sehr churzfristig öppis derzwüsche cho. Aber itz (ändlech) het’s klappet – mir si bi Gabis Tante u ihrem Maa im Waldrandbeizli in Aeschle ga ässe. Dert isst mä…
-
Mir isch wieder mau chli nach grille gsy – so hani mi wieder mau a Pulled Pork gwagt. Zur Gschmacks-Intensivierig hani de 2.2 kg Schwynshaus am Vorabe no mitere Mariniersprütze bepumpt u aschliessend mariniert.
Dr’Bitz hani de am 7:30 am Morge ufe Grill gleit u dr’ganz Tag la schmorre. Das isch ds’pullte Pork nach dr erschte Rundi (4 erwachseni Esser): Und so het me Pulled Pork-Dürüm/-Fajita usgseh:
-
Füre hütig Match EVZug gäge SCB hei mir mit Reby u Lüku abgmacht zum gmeinsam luege, u vorher zäme mampfe. So bini mau ume a Grill gstange u ha mi dra gmacht über 2 Kilo SpareRibs zue z’bereite.
I ha diesmau chli öppis ar Technik apasst u bi aues i auem zfriede mitem Ergebnis – chlini Apassige cha mä geng ume mache, aber grundsätzlech stimmt d’Richtig.
-
Da ig sowieso dr’ganz Nami ir Nechi vom Grill wirde sy, hani mirs so ugrichtet, dassi näbebi no cha Beef Jerky (Indianerfleisch) versteue. I ha es Kilo Rindfleisch verarbeitet u hoffe dass am Schluss no 500 Beef Jerky übrig bliebe 😁
So gseh die marinierte Streife us (nid dr’appetitlechst Ablick): Und so gseh sy us nachdem sie knapp 2 Stung (vo 5) ir Wärmi ghanget sy:
-
Bevor d’Manu u ig a Match sy hei mir no bi Manus Eutere gässe. Derbi isch ds fougende Foto entstande vor Sandra und em Ätti wo gmeinsam es Joghurt teile.
-
Nach langer Zyt hanis ume einisch chönne irichte bim Umut in Bümpliz e Kebab-Teller ga z’ässe ä. Die Teller sy eifach ire eigete Liga – het doch sogar dr Lüku nachem Esse gmeint es heig gar nüm viu gfäut und er hätt müesse ufgä. Und er ma eigetlech öppe geng meh weder i ässe.
-
Nach 36 Jahr BERNMobil isch dr Ueli Eggimann (dr Ätti) i Pension gange. Mir hei ihn zum Zmittag mitere Tramfahrt im Fondue-Tram überrascht (leider ohni Fondue) u am Namitag het er de no zum Apero glade.
Ir grosse Pouseruum vo BERNMobil hei de Uelis Grossching sech am Töggeli-Chaschte versuecht. https://youtu.be/OiIaZwULZDw
-
Miner Froue hei hüt zäme güetzelet (u wahrschinlech o viu gschnouset ;)).
-
Mir hei d’Andrea, Mischu, Urs und Sara zu SpareRibs vom Grill (4-5 Schtung ufem Grill :)) iglade und gmeinsam lecker u deftig möge mampfe. Üs stört’s da o überhoupt nid, dass dr’Summer langsam Gschicht isch und d’Tage geng chüehler wärde…