-
Chürzlech hani verzeut dass ig mau wott BBQ SpareRibs versueche z’smoke ufe Grill. I ha dermit grad e Tschuppele Lüt glustig gmacht u ha drum itz mau e Probelouf gmacht (wo wahrschinlech nume no glustiger macht).
-
Da mir no i d’Stadt hei wöue, hei d’Sandra u ig üs nume churz es Joghurt teilt damit mir öppis im Buuch hei. Auerdings sy mir itz sowit, dass d’Sandra dr’Päpu füetteret und nüme angersume 🙂
-
Dr’Früehlig isch da – ds’Wetter und d’Temparature hei sech so zum Guete gänderet dass mir z’erschte Mau dieses Jahr üses Znacht dusse gässe hei.
Mitem Früehlig chunnt derfür o ds’permanente Chuzzele ir Nase bi mir, seich Allergie!
-
I bi hüt chli später hei cho, was dr’Sandra schinbar recht het z’denke gä. Drum het sie extra no Öppis für mi gchochet und agrichtet. So härzig!
-
Nachdem i vor wenige Tage spontan ha Luscht uf Fondue übercho, hei mir diese Samschti Schertis zum Fondue iglade. We scho die ganz Hütte nach Chäs schmöckt, de chöi o grad 4 um ds’Caquelon hocke.
-
Mir sy vo Grosi u Grösi uf Schenke iglade worde alässlech Brösis Geburtstag u hei aui zäme es leckers Raclette gässe (ds’4. innert 16 Tag).
-
Syufester! Üsi Spiu-Gruppe het sech zu feinem Raclette troffe zum gmeinsam i ds’neue Jahr z’rütsche. Während em Fürwerch sy mir de (so rein us blöd) mitem Laser-Schwert im Garte am umefuchtle gsy 😀
-
Mir sy mit dr’Familie Moor uf Heimeschwand ueche ga brunche u hei so schöns Wetter bi super Ussicht chönne gniesse. Glichzytig heino grad Gotte u Götti, sowie Gotte- u Götti-Meitschi chönne ihrer Gschenk übergä.
-
U no grad einisch hei mir bi üs zu Raclette iglade. Diesmau hei mir mit dr’ganze Site vor Manu zäme gfyret, was zure ordentleche Päckli-Sammlig gfüehrt het (obwou mir unger üs ja scho hei beschenkt).
-
Zum Wiehnachts-Fescht sy mis Mami u dr’Brösi zu üs cho u gmeinsam hei mir e gmüetleche Abe miteme feine Raclette verbracht.