-
Obwou bereits Dezember isch, hei mir dr’Grill fürepackt und säuber Burger gmacht mit Haguhans-Burger vom Metzg (die sy ca 150 g pro Fleisch). Het richtig geili Burger gä wo so dick sy worde dass Chiefer-Usrenk-Gfahr bestande het 🙂
-
Mir hei üs die Wuche entschiede hüt es feins Raclette z’ässe, und lueg itz, itz faht’s doch pünktlech derzue no afa schneie 🙂
-
U no grad es Päckli meh isch acho bi üs – die erscht Bio-Food us dr’Region-Täsche wo mir neu abonniert hei. Mir hei itz Rüebli i 3 Farbe, Häppere, 3 verschiedeni Salät, Broccoli, Fenchu, Öpfle und e haube Chürbis vo Nofle (usem Gürbetal).
-
So guet, da dr’November so warm isch im Moment, hani doch grad ume eis dr’Grill füregno und agworfe. Das cha viu!
-
Chum isch Herbst-Afang hei mir üs es Fondue gnemiget 🙂 Angers aus bim letschte Mau het sech d’Bohne aber nid glich derfür la begeistere. Jänu, das chunnt de sicher no.
-
Usem Nüt use het mi d’Manu miteme ibeizte Rehpfeffer mit Chegele, Rotchrut u Spätzli überrascht. Sie isch zu urecht usicher gsy, ds’Esse isch super fein gsy!
-
Dr’John u d’Sandra, sini Partnerin, sy ufe Mittag zu üs cho zum gmeinsame Grille, chli Sy und Laffere. Mit so gmüetleche Sunntige laht sech d’Wuche guet la usklinge.
-
Dr’neu Grill het e Spiess mit Elektro-Motor mitglieferet gha u so hei mir hüt es Güggeli ufem Grill gmacht. Es het zwar no Verbesserigspozential, aber mir sy uf guetem Weg.
-
Ach, die guete aute Zyte. „Flûte im Fleesch mit Chees“ isch haut eifach scho super, o bsungers aus Bettmümpfeli 🙂
-
Vo wäge ufe Sirup verzichte: I ha syt dene paar Wuche woni druf verzichte scho 3 Kilo weniger uf dr’Huft. We Gwicht verliere doch geng so eifach wär 🙂