-
Mit Urs u Sara am Tigers-Match
Dr’Urs u d’Sara si beidi ir Hockey-Schueu vo de SCL Tigers und hei ir Pouse vom Match Langnou gäge Ambri e Sponsorelouf gha vor aune Fans. I ha die Glägeheit gnutzt und bi mit Eggimaas dr Match ga luege. Und botz hei, hani grad e Match usgsuecht! Es totau vo 13 Gou hei mir chönne…
-
Brunche bi John u Sandra
Nur wenigi Tage nacheme feine Znacht mit Gabi u Mike, si mir bi John u Sandra iglade gsy zumne usgiebige Brunch. Nachdem mir üs d’Büüch ar üppige Uswau vougschlage hei, si mir aui no chli zäme ga spaziere u mir hei glehrt, dasses nume wenigi Minute näbe ihrer Wohnig usgseht wie viu witer ufem Land…
-
Zu mim Geburtstag hani üs es paar cheibe feini, wenn o nid ganz so gsungi Burger zuebereitet. Da no PlayOff sy hani diesmau nid würklech iglade, sondern bi am Abe mit Mike zäme e wunderbare u eidütige Heimspiu vo de Mutze ga luege.
-
D’Laura (u mir) het hüt Bsuech übercho vom Gotti Nina. Nach churzer Schücheli-Phase isch sie de aber schnäu uftout und het viu Freud gha – und öppe em Gotti o viu Freud bereitet.
-
Mir sy hüt ad AgriMesse in Thun, vorauem o zum dr’Ätti ga z’bsueche wo mitem Verein Freunde alter Landmaschinen e Stand ufgsteut het gha — inklusive ere Live-Demonstration wie auti Traktore (i däm Fau e Landini vo 1955) hei müesse gstartet wärde.
Und da ig ihm bir Modernisierig vom Stand ha ghoufe, hei mir itz natürlech o wöue gseh wie dasses itz aues so usgseht und uf d’Bsuecher würkt.
-
Uf Brösis Organisiere häre hei mir üs ufeme Buurehof im Luzernische igfunge zum mis Mami zu ihrem Geburtstag z’überrasche miteme Buurezmorge. Natürlech het sie dr’Brate gschmöckt – ds’Kriminaliste-Gen cha mä haut nid so eifach abschaute 😉
-
I ha e bsungers länge Mittag gmacht und bi a ds Grab vo mim Grosi u drufabe no bim Götti verbi ufenes Schnaps. Nachdem i letscht Jahr nach langem z’erschte Mau am Grab bi gsy und es mi recht het mitgno, isches mir dieses mau ringer gange.
Liebs Grosi, i vermisse Di.
-
Nach mängem Jahr vor Planig het’s itz ändlech klappet zumne „Cousinen und Cousins“-Treff. Es isch sehr interessant gsy aui die Gsichter wieder mau z’gseh – Einzelni gseht mä ja ab und zue, Angeri hani syt mängem Jahr nüm troffe gha.
-
Mir hei üses erschte Wiehnachte in Schenkon gfyret bi mim Mami und em Brösi. Nachem Fest het de d Sandra grad dörfe es paar Tag bi Grosi u Grösi i de Ferie bliebe.
-
Bevor d’Manu u ig a Match sy hei mir no bi Manus Eutere gässe. Derbi isch ds fougende Foto entstande vor Sandra und em Ätti wo gmeinsam es Joghurt teile.