-
Recht spontan sy üs hüt Sterrys cho bsueche. Bi däm guete Wetter hei mir’s natürlech de nid la nä veruse z’hocke u z’dorfe u Sunne z’tanke.
-
D’Ste het zu ihrem runde Geburtstag (mir säge hie nid wie aut :)) iglade zure Party mitem Motto „ikonischi Fium-Charaktere“. Nomau es „härzleche Glückwunsch“ und es het gfägt.
Die erschte Biuder sy Scans vore Polaroid-Kamera, drum isch d’Qualität nid so pralle…
-
Am hütige Tag hätt mis Grosi Geburtstag gha, u so bini a ds’Grab ga d’Ehr erwiese. Aschliessend hei mir no e Spontan-Bsuech bi mim Götti ds’Aarberg aghänkt.
I bi würklech froh hei miner Froue mi begleitet a ds’Grab. Wüu bsungers i dene Momente vermisse i mis Grosi sehr, bsungers wüu ig ire haut o d’Jungmannschaft hätt wöue vorsteue (u umgekehrt). När z’Bsuech bim Götti hei mir de no es paar Anekdote us ihrem Lebe verzeut, so dass sech o no gfreuti Gedanke…
-
Üsi (nüm so) chlini Bohne isch nach 3-tägige Ferie bi Grosi u Grösi itz wieder daheime u würkt aus wär sie grad viu äuter aus no am Sunnti.
Obwou’s nid lang isch gsy, hei mir se doch scho sehr vermisst, üs aber o gfreut dass sie au es Strahle im Gsicht umetrage.
-
Nachdem mir fertig igchouft hei, hei mir völlig unerwartet no grad mi Cousin Dänu u si Sohn troffe in Thun. Wie sech usegsteut het sy o sie uf Gschenkli-Tour gsy 🙂
-
Es chönnt guet sy dass d’Laura bereits afaht Zahne. So wie sie mi Arm vousabberet wese im Flüger ha bruchi aube ke Duschi meh – oder ersch recht eini 🙂
-
Mir sy vo Grosi u Grösi uf Schenke iglade worde alässlech Brösis Geburtstag u hei aui zäme es leckers Raclette gässe (ds’4. innert 16 Tag).
-
Mir sy mit dr’Familie Moor uf Heimeschwand ueche ga brunche u hei so schöns Wetter bi super Ussicht chönne gniesse. Glichzytig heino grad Gotte u Götti, sowie Gotte- u Götti-Meitschi chönne ihrer Gschenk übergä.
-
U no grad einisch hei mir bi üs zu Raclette iglade. Diesmau hei mir mit dr’ganze Site vor Manu zäme gfyret, was zure ordentleche Päckli-Sammlig gfüehrt het (obwou mir unger üs ja scho hei beschenkt).
-
D’Laura macht zünftig Fortschritte – sie het itz erlickt, dass sie das hangende Stofftier säuber cha astubse und när bambelet’s u rasslet’s.