-
Zum Wiehnachts-Fescht sy mis Mami u dr’Brösi zu üs cho u gmeinsam hei mir e gmüetleche Abe miteme feine Raclette verbracht.
-
I finges schön wie sech üser Töchtere scho itz so guet zäme verstöh. Mir hoffe natürlech, dass das no lang so wird bliebe (zur Schonig vo de eigete Nerve :)).
-
Mir hei es Bsüechli bir Familie Eggima gmacht damit mir üsem Göttibueb Urs chöi dr’säuber gmacht Adventskalender verbi bringe. Es isch grad i dene Momente immer wieder schön z’gseh wie guet Cousin und Cousine mit dr’Sandra chöi – sowou spiele, aber o chli uf se ufpasse.
-
I ha es chlises Video gmacht wo zeigt wie d’Sandra versuecht ihrer chline Schwöster Socke a’zlege. Sie het nume mässig Erfoug…
-
Grosi und Grösi sy z’Bsuech cho und so hei sech dr’Grösi und d’Laura o z’erschte Mau gseh und lehre kenne.
-
Ds’Gotti Nina (vor Laura) het dr’wyt Weg uf sech gno us dr’Ostschwyz zum ihres Gotte-Meitschi cho z’bsueche. Mir hei üs guet ungerhaute u o d’Töchtere verstöh sech sehr guet mit dr’Nina.
-
I ha es chlises Video chönne mache wie d’Bohne mit ihrne Bäbi spiut u chüderlet. E seuteni Freud woni schüsch nid glich mitüberchume.
-
Irgendwie hani hüt es déjà vu gha… Hami durchus i Mai 2013 zrüggversetzt gfüeut.
-
Nach wenige Tag mit dr’Laura erschynt mir d’Sandra grad mindestens es haubs Jahr älter worde z’sy – sie macht aber o grossi Fortschritte i aune mügleche Bereiche. I bi so stouz uf mi Hüehnerhuufe 🙂
-
Ah, und für aui wo Interesse hei üs cho z’Bsueche, dir syt härzlech wiukomme. Bis am 15. Nov. isch Pädu ebefaus dr’ganz Tag daheime.