-
Mir hei üses erschte Wiehnachte in Schenkon gfyret bi mim Mami und em Brösi. Nachem Fest het de d Sandra grad dörfe es paar Tag bi Grosi u Grösi i de Ferie bliebe.
-
Nach 36 Jahr BERNMobil isch dr Ueli Eggimann (dr Ätti) i Pension gange. Mir hei ihn zum Zmittag mitere Tramfahrt im Fondue-Tram überrascht (leider ohni Fondue) u am Namitag het er de no zum Apero glade.
Ir grosse Pouseruum vo BERNMobil hei de Uelis Grossching sech am Töggeli-Chaschte versuecht. https://youtu.be/OiIaZwULZDw
-
Zur Fyr vo üser Eidgenosseschaft hei mir iglade u i ha öppis Neus am Grill usprobiert: Pulled Pork. Das sy knapp 2.5 kg Schweinehals woni bereits am Morge am 7ni ufe Grill ta u so öppe 11 Stung la niedergaare.
Es isch sehr fein gsy, aber für nes angers Mau isch mir gloub dä Ufwand nid der Wert.
-
I ha mi Geburtstag sehr gnosse u möcht mi nomau bedanke bi wuch aune wo irgend ire Art a mi denkt hei hüt.
-
D’Ste het zu ihrem runde Geburtstag (mir säge hie nid wie aut :)) iglade zure Party mitem Motto „ikonischi Fium-Charaktere“. Nomau es „härzleche Glückwunsch“ und es het gfägt.
Die erschte Biuder sy Scans vore Polaroid-Kamera, drum isch d’Qualität nid so pralle…
-
Syufester! Üsi Spiu-Gruppe het sech zu feinem Raclette troffe zum gmeinsam i ds’neue Jahr z’rütsche. Während em Fürwerch sy mir de (so rein us blöd) mitem Laser-Schwert im Garte am umefuchtle gsy 😀
-
(Gotte) Gabi, aues Liebe u Guete zum Geburtstag. Es het gfägt bi euch z’fyre und uf di azstosse.
-
Chum nach sir jüngere Schwoscht het o (Götti) Mike sy Geburtstag u zure Burger-Party zu sine Ehre iglade. O dir, Mike, aues Guete a dim Geburtstag – la di la fyre, hesch dir’s verdient.
D’Sandra hets bsungers so lang im Usgang z’sy bis sie no ds’letschte Ching isch gsy. Sie chas haut äbe nid nume guet mit Ching sonder wicklet o (fremdi) Erwachsni ume Finger 🙂
-
Üsi gueti Fründin, ds’Reby, het zur Geburtstags-Fyr iglade, was mir üs natürlech nid hei la entga. Happy Birthday Reby, gniesses mitem älter werde solang no ds’2 am Rügge bliebt 🙂
-
Ursli, üse Götti-Bueb, het si 8. Geburtstag gfyret und zum Fescht iglade. Happy Birthday Urs!