-
Hüt isch dr’gross Tag für Reby und Lüku gsy. Die Zwoi hei sech ds’Ja-Wort gä während dr’Stee und mir die verantwortigsvoui Ufgab zuegfaue isch Aues im Hingergrund z’organisiere und dene Zwoine e unvergässleche Tag z’schenke.
Zuesätzlech zu de „normale“ Trouzüge-Ufgabe hani o no e Darbietig zämegsteut zum so chli für Ungerhautig sorge und die Zwoi früsch Vermählte chli us dr’Reserve z’locke 🙂 I bi durchus nervös gsy während mire Darbietig u cha drum nid glich säge wie und ob sie bi de Lüt acho isch. Aber so was i ghört ha,…
-
Bi beschtem Wätter hei ds’Coni Oesch (itz nüm) u dr’Fli Carrera im schöne Schloss Spiez ghürate. Nomau härzlechi Gratulation euch beidne, gniesset’s und bliebet wie dir syt.
-
I mire Funktion aus Trouzüge bi ig mit Brütigam Lüku ga Hochzyts-Garderobe ussueche. Mir werde cheibe guet usgseh, sövu steit itz fescht 🙂
-
Sandra het ihre 2. Geburtstag bi schönem Wetter chönne fyre und sichtbar Spass gha derbi. Viele Dank aune wo ihre gratuliert hei oder grad säuber si verbi cho.
-
Mir sy mit dr’Sandra ad’BEA. Sie het viu Freud gha und viu chönne über die viele Tier stuune – u Einigi sogar strichele 🙂
Eigetlech hätte mir ja nid am Wuchenend wöue ga, aber am Frytig isch ds’Wetter für d’Füchs gsy… Und o bir Parkplatz-Suechi hei mir nomau Glück gha. Mir hei üs scho fasch entschlosse die Üebig ab z’blase u stattdesse i ds’Däuhöuzli z’gha. Drum bi bi de bim Strasseverchehrsamt zueche gfahre zum mit dr’Manu über ds’wytere Vorgehe z’murmle…
-
Mir hei zu Ostere die ganzi Eggima-Familie zu üs iglade zum Eier sueche, tütsche u tafle. Für die jüngschti Generation hei mir zuesätzlech no e chlini Oster-Schnitzujagd organisiert so dass d’Sandra grad vo Cousin u Cousine cha lehre wie’s gieng.
-
Mir wünsche euch aune es guets Neus u hoffe dir syget guet gstartet i ds’Jahr.
-
Ds’Götti Andrea u Familie hei üs zum wiehnächtele bi ihne in Chnoflige iglade. Das isch es echts Generationtreffe vo Angerhaub bis 85.
-
Itz wo d’Sandra bewusster mitüberchunnt was u wie Wiehnachte so louft, hei mir ds Fescht o bi üs in Heimberg gfyret. Mir hei chli müesse improvisiere zum 7 Plätz ine z’bringe u hei drum churzerhand dr’Gartetisch i ds’Wohnzimmer züglet 🙂
-
Z’Schenke hei mir ds’erschte Wiehnachts-Fescht bi mim Mami und em Brösi fyre. Für d’Sandra isches sogar die erschti Wiehnachte wo sie bewusst het mitübercho – sie het sech sehr guet gmacht u o dr’Boum isch nie i Gfahr grate 🙂