Mir hei beidi Familie Eggima z’Bsuech gha u gmeinsam e super gmüetleche erschte Ougschte zäme gfyret. Die neu igrichteti Terrasse macht grad viu us u isch äbe scho viu gmüetlecher.
Und wieder es Geburtstags-Ching meh dieses Jahr (o wes kes Ching meh isch mitem 3 am Rügge :)) – Dr’Simu Brunner, zäges üse Nachber, het zu sim 31. Geburtstag zumne Feschtli iglade. Happy Birthday.
D’Sandra het hüt ihre erscht Geburtstag gfyret u Familie sowie Götti u Gotte iglade. Sy het sichtlech Spass gha u wird o i Zuekunft no viu Freud ha a au dene flotte Spiusache wo sie neu übercho het. Viele Dank euch aune.
No meh Geburtstäg die Wuche :) Hüt hei d’Schnegg-Zwillinge iglade ihres 3 am Rügge mit ordentlech Fleisch und … eh „Getränk“ z’begiesse :D
Mir sy am Abe no iglade gsy, u so hei mir (d’Bohne u ig) dr’Namitag mit Schneggs gnosse.
Dr’Joshua Moor het zu sim vierte Geburtstag iglade zum gmeinsam gfyre – e sehr agnehme Abe unger Fründe. D’Sandra het einisch meh ähnlech-autrigi um sich gha und sech sehr guet gmacht.
mediacoding gits sit 10 Jahr und so sy mir dick ga esse z’Bern u när no chli dür d’Gasse zoge.
Mir hei ds’alte Jahr bimne Fondue Chinoise mit dr’Joëlle und em Mano la usklinge und drufabe de uf ds’neue Jahr agstosse.
Üses letschte Wiehnachte hei mir im Kreis vor Familie Eggimaa gfyret – emne wahre Generatione-Treffe vo 0.6 bis knapp 85 Jahr.
Sterrys hei iglade zumne feine Wiehnachts-Ässe mit Familie und Fründe. Ds’Highlight vom Abe isch dr’Moment gsy wo d’Ste es Päckli für sie nid säuber het wöu uspacke sondern ihres Gotte-Meitschi (d’Sandra) het la uspacke.
Wenns um Päckli geit, de überfaut mini Schwoscht e Neugier und es Kribble, so dass niemer vo üs so Recht het wöue gloube vo was mir da grad Züge werde 🙂