-
Es het doch länger duuret aus mir denkt hei, doch itz hei mer’s gschafft und dr’Photograf für ds’Hochzyt isch organisiert und aues isch abgmacht.
-
Mir si für ds’Eggima-Treffe bis i Thurgou greist. Es isch es sehr schöns Familie-Fescht gsi – vorauem für d’Manu wo e Teil vor Verwandschaft syt Jahre nüm het gseh.
-
Es isch Thunfescht gsi und so bini mit Fründe zäme dür d’Gasse zoge u ha e gmüetleche, füecht-fröhleche Abe dörfe gniesse.
Zum Teil het’s ja Jugendlechi gha, die würd ig zu so später Stund nüm allei la umezieh, aber das isch es angers Thema.
-
Dr’Urs, üse Götti-Bueb, het hüt si sechst Geburi gfyret und zu Kafi u Chueche iglade.
-
Ching so scho super. A Joshuas Geburi-Fescht hani vom Polizist Levi e Buess übercho über „soviu Geld wie me nüm het“. Dä weiss scho wie 🙂
-
Was für ne geile Abe! Zersch hani e Gitter-Absperri verschobe und so e Parkplatz bim Stadion „ersteut“; när het CapitolFM ir Drittus-Pouse üser fachkundige Meinige gsendet; u schlussendlech isch Bern verdient MEISCHTER worde!!!
-
Viele liebe Dank a aui wo hüt a mi denkt hei, sech gmäudet hei, oder gar si verbi cho. I ha mi huere gfreut!
Und de hei mers no grad super breicht mitem Wetter… Es isch echt geil we me problemlos bis nach de 22:00 cha uf dr’Terrasse höckle u dorfe.
-
Miner Wäger-Froue hei zämegspannet zum mi ufe 30. Geburi häre z’überrasche, was ihne o vou glunge isch. I ha nüt, aber o gar NÜT gschmöckt – dir sit super!
-
Obwou ig älter wirde, bini ab und zue unvernünftig wie eh und je – So o hüt, womer um Mitternacht no z’5te höch bim Ronald McD si ga verbi luege 🙂
-
So, üse Ehe-Vorkurs isch erfougrich absolviert. Mir dörfe hürate und hei o grad chönne ds’Datum usmache.