-
I ha mir nach Jahre wieder mau dr Fium „Matrix“ inezoge – jach, dä isch eifach uf mehrere Ebenine richtig geil grate. Ä wahre Gnuss zum Luege.
-
Inspiriert dür Rebys Wahl vor Musig füre Gang vore Altar, hani unbedingt wieder einisch müesse STAR WARS luege. Die Trilogie wird eifach nie alt 🙂
-
I ha spontan Luscht gha ufene Fium u gseh, dass mä bir Swisscom „Monsieur Claude und seine Töchter“ cha miete. E französische Fium mit viu Charme übere Monsieur Claude wo sech schwer tuet dass keni vo sine Töchter e gebürtige Franzose hüratet.
-
Mir sy mitere Tschuppele Fründe dr’zwoit Teil vom Hobbit ga luege (er het guet gfaue), während d’Bohne bi de Grosseltere isch bliebe und vo ihne isch ghüetet worde.
-
Entgege mine Erwartige bini dr’Erscht gsi bim Reserviere vo de Chino-Tickets. Aber jä nu, i bechlage mi nid wemer die beschte Plätz hei am Donnschti 😉
-
Da i de nächschte Tage dr’zwoit Teil vom Hobbit i de Chinos alouft hei Moors iglade zum dr’erschti Teil nomau z’Gmüet z’füehre. Itz sy mir gwappnet füre Donnschti.
-
Das isch ja schnäu gange… Mis us de Staate ersteigerete Schwert (Ice, Sword of Eddard Stark us A Song of Ice and Fire [aka Game of Thrones]) isch bereits bi üs acho.
Uf dem Bild chunnt die speziell verzierti Klinge nid so zur Geltig. Hie geit’s zum Produktbild wome’s besser gseht.
-
und wüus so schön isch no grad es Video vom Grosi und dr’Sandra.
-
Die erschte Lüt hei üses Geburtsvideo für d’Sandra bereits chönne aluege und hei üs mitteilt wie sehr sie sech über das Video gfreut hei. Das macht Freud o für witeri Mau es Video zäme z’schnide.
I has itz o no uf YouTube gsteut damit mes o cha aluege we mä grad ke DVD-Player zur Hand het =)
-
Nachdem mir geschter no aui Geburts-Chärtli DVDs i Hülle und Couvert packt hei, het d’Manu se hüt chönne uf d’Post tue. Sie werde i dere Wuche bi euch itrudle.