-
Nacheme lange und eher monotone Samschti si itz aui DVDs bedruckt u brennt. Git es guets Gfüeu zwüsse was me gmacht het. Itz geits no a ds’Ipacke.
-
I ha grad mis erste Video bearbeitet und aschliessend bi YouTube ufeglade.
Das Ganze cha me hie „bestuune“.
-
I ha erfougrich mis neue Spiuzüg usprobiert. Quadrokopter flüge isch extrem easy zum Starte, aber ds’Umdenke mit de Richtige während em Flug muessi no üebe 🙂
Eh voila – wie versproche hie es Video. I ha leider es angers müesse nä, da mis eigetleche Video sech irgendwie nid het wöue la umwandle… Man beachte bitte o, dassi nid immer so flüge. I ha unabsichtlech e Schauter ar Fernbedienig umgsteut und so d’Lenkig veränderet; zuesätzlech isch dr’Akku o no grad dunger gsi…
-
Mir hei zum zwoite Teil vo Lord of the Rings iglade. Im Vorfäud hei mir dr’Grill es erschts Mau agworfe dieses Jahr. So muess das si 🙂
-
Lang hei mir nume dervo gredt, u hüt isches tatsächlech z’Stang cho. Mir hei üs „Lord of the Rings – Fellowship of the Ring“ inezoge. Für einigi isches sogar ds’erschte Mau gsi!
-
Mitere Tschuppele vo 8 Persone si mir „The Hobbit: An Unexpected Journey“ ga luege. Vorher hei mir, einisch meh, es 201 zu üs gno 🙂
Mir hei vorauem d’Zwerge im Fium sehr gflashed. Aus jahrelange Zwerg-Spieler in WoW bini vo dere Fantasy-Rasse eifach ata. I gseh o durchus Ähnlechkeite zwüsche mim Bronkje und Gloin. Zwerge rocke aues!
-
Mir hei „Forrest Gump“ gluegt – dr für mi mit Abstand emotionaust u schönst Fium wo je isch dreiht worde.
D’Figur vom trottelige, aber so sympathische Forrest mit sire ewige, wenn o unerwiderete Liebi zerrisst mi aube fasch… U so fliesse meh aus nume es paar Träne.
-
D’Manu u i hei hüt mit dr’zwoite Season vo Game of Thrones agfange. Diesmau luege mir itz o uf Englisch, was d’Wäut no interessanter u authentischer macht (zB dür d’Dialekte).
-
D’Manu u ig si im Chino ga „Looper“ luege. E guete Fium, het er miner Erwartige sogar liecht übertroffe.