-
D’Sandra het ds’Chatze-Fuetter entdeckt und fingt’s schynbar no so fein. Sie suecht ömu geng wieder dr’Weg zu de Gschirli.
-
Endlech hei mir chönne zueluege wie d’Sandra säuber ufhocket. Bis itz hei mir’s ja geng grad blöd verpasst – sie het nid lang z’chnorze derzue.
-
Syt churzem isst d’Sandra zum Znacht us ihrem eigete Teller u itz hei mir o agfange ihre e Löffu id’Hand z’gä damit o sie so cha wie mir.
-
Bi üsem Bsuech in Schenkon het d’Bohne sich es ersts mau vo „ufem Buuch“ chönne ufhocke. Leider hei mir aui dr’Moment verpasst – sie isch eifach plötzlech ghocket.
-
So langsam wachst d’Sandra us dr’Baby-Wanne vom Chinderwage drus; u so ha ig mi entschlosse doch dr’eigetlech Sitz z’montiere. Isch viu ringer gange aus die im Lade das hei gloube gmacht 🙂
-
Hüt het d’Sandra ihres erschte offizielle Wort gseit: „Päpu“. E gwautige Moment!
-
Da mir itz regumässig tüe Zähn putze mit dr’Sandra hei mir o es Zahnputz-Lied gsuecht und sy fündig worde 🙂
-
Syt wenige Tag isch üses Meitschi fliessig am Liegestütze mache u lüpft ihre Buuch scho tou id’Höchi. Nüme lang u när klappet o das mitem Schnaagge.
-
D’Bohne het viu Freud we sie cha ihri Chlötzli noime drufplatziere; so wie zum Bispiu uf ihri Spiuzüg-Chischte.
Usnahmswys het sie nid bemerkt dass sie gfiumet wird. Das macht aube grad viu us 🙂
-
Ja, die Spiumatte isch echt dr’Hit. Sie isch so interessant, dass d’Bohne die einzelne Teili doch lieber no chli genauer möcht aluege… und entsprechend d’Matte usenang nimmt.