Itz plötzlech faht d’Sandra bim Ischlaf-Liedli a mitsinge. Sie nutzt zwar nume 1 Ton, aber das kompensiert sie mit Lutsterchi. D’Manu gheit regumässig drus vor Lache
Üsi chlini Bohne plouderet immer meh und meh. Im Moment isch „Tätätä … tä“ grad sehr höch im Kurs.
Nachdem üses Meitschi die letschte Wuche nume Konserve-Fleisch het übercho, het’s hüt richtigs Fleisch gä – d’Würstli wo Götti Mike ihre mitbracht het. Zu üser auer Freud isch sie Fründ vo Fleisch u isst’s gärn u „viu“.
Am Morge bim spiele het sech üsi chlini Bohne zum erschte Mau säuber vom Buuch chönne ufe Rügge dreihe. Dr’väterlech Stouz drückt us aune Pore.
Üsi chlini Bohne het’s zum erschte Mau gschafft eine vo ihrne Zäihe i ds’Muu z’näh; u het viu Freud dran gha :)
Üsi Bohne het ihri Füess entdeckt. Bsungers lustig finge mir dass sie chuzelig isch und sech bim Füess chafle säuber chuzelet u drum när geng muess gugele.
Sit einige Tage üebt üsi chlini Bohne ihre erscht Buechstabe – ds’Be. Es isch so härzig; Vorauem we sie sech fescht astrengt und när so furzigi Grüüsch macht bim Üebe :)
D’Sandra faht itz ah ihri Finger z’entdecke. Und irgendwie chöme da immer wieder neui Finger füre wo me cha bestuune :)