-
Mir hei für Gabi Moors 30. Geburi es Chinder-Büechli mit integriertem Gschenk-Guetschin bastlet.
Da sowou d’Manu aus o ig nid so Fan si bluti Guetschine z’verschenke hei mir üs entschiede es chlises Gschichtli z’erfinde wo vom Gabi u ihrem Hobby handlet und so o grad dr’Zweck vom Guetschin erklärt. Mir si gspannt uf ds’erschte Fotobuech wo entsteit.
-
Hüt isch e Wunderbare Sunnti gsi. Mir si zum Brunche iglade worde bi Moors. Drufabe hei mir zäme bi Kafi u Bier ihres neue Brettspiu usprobiert (Jäger der Nacht) – es sehr es glungnigs Spiu mit viu Nervechitzu. Nachdem mir no zäme si ga loufe heimer dr gmeinsam Tag miteme feine Raclette abgschlosse.
-
D’Joëlle u dr’Mano si verbi cho zum gmeinsam grille (im November *hihi*) und när dr’Match luege.
Dr’Match hätt sech durchus besser chönne entwickle… 🙁
-
Mini Wichteli-Wunschlischte isch verschickt; bi scho itze gspannt druf ob und wie miner Wünsch mim Wichteli aus Inspiration diene.
-
U ume eis bini mit John u Mike es paar Bierli ga nä.
Mir hei vorauem über 3-egg u wie witer diskutiert u si zum Entscheid cho, dasses unger de itzige Umständ besser isch, wemers lö la si. I muess o ehrlech säge, dass i nid recht wüsst wo d’Zyt her nä zum e ordentlechi Büetz z’mache; i ha eifach schüsch scho gnue…
-
Sterrys si verbi cho zum Käffele und mir hei dorfet über ihres bevorstehende Zügle am Wuchenend und natürlech o dr’neuscht Klatsch vor Familie =)
-
D’Fondue-Saison isch eröffnet. U de ersch no miteme ganz spezieue Fondue: verusse mitem 3-Bei überem Füür. Herzleche Dank ad’Familie Moor, d’Gastgäber.
-
Bi Mike het e chlini Männer- u Bier-Rundi stattgfunge. Mir hei sogar no es Fleisch ufe Grill ta; u das doch eher spät am Abe.
-
I de letschte Arbeitstage bini vom T (Trevor) gfragt worde ihm dr’Rubik-Würfu z’erkläre. Itz geits scho vei guet u dr’T chane fasch ohni Spicker komplett löse.
-
Im Fyrabe-Bier hani mit Mike u John über d’Zuekunft vo 3-egg diskutiert. I ha grad gmischti Gfüeu, aber mit de Jungs Eine ga nä het uf au Fäu gfägt!