-
Happy Birthday, Conny! Du hesch es flotts Fescht organisiert u üs hets gfreut dörfe verbi z’cho.
-
Dir sit so irri Schaf! Zu mire grosse Überraschig u Freud si hüt es haubs Dotze Fründe vor dr’Tür gstange u hei drufabe mit üs dr’Match gluegt.
-
Ds’Reby u dr’Lüku si bi üs verbi cho zum Brunch und aschliessend e Namitag lang z’spiele. Einisch meh het sech üse Spontan-Chouf vor SwissToy (ds’Spiu „Las Vegas“) aus Glückgriff erwiese 🙂
-
Aschi, üsi chlini Bohne, wird mit Götti Mike eine vo de coolschte Götti übercho wos je hets gits! Mir hei extrem Freud wie Mike sofort miteme Strahle het zuegseit.
-
Mike het e Männer-Abe organisiert mit gnue Bier und em erschte Grille i däm Jahr. Das isch sehr flott.
-
Sones grosses Auto isch echt dr’Hit 🙂 So hani hüt Mano sis Velo chönne im Gofferruum ilade u verbi bringe anstatt müesse übere z’fahre u när mitem ÖV hei.
-
Nachdem mir zäme ds’erschte Heimspiu im 2013 si ga luege, het mir dr’Mano daheime bim Bierli e SCB-Aktie überreicht. Wow, das het mi echt überrascht, viele Dank Mano!
-
Mir si zu Moors iglade worde zum im Kreis vo Fründe dörfe Sylvester fiire. So rütscht meh guet i ds’neue Jahr.
-
Wie jedes Jahr hei mir o im 2012 wieder dörfe zum Thesi ga wiehnächtele. Das tünkt mi geng bsungers schön wüus mit viu Erinnerige u Emotione verbunde isch.
-
Mitere Tschuppele vo 8 Persone si mir „The Hobbit: An Unexpected Journey“ ga luege. Vorher hei mir, einisch meh, es 201 zu üs gno 🙂
Mir hei vorauem d’Zwerge im Fium sehr gflashed. Aus jahrelange Zwerg-Spieler in WoW bini vo dere Fantasy-Rasse eifach ata. I gseh o durchus Ähnlechkeite zwüsche mim Bronkje und Gloin. Zwerge rocke aues!