-
Mir si spontan nachem Fyrabe no uf Steffisburg id’Badi und hei dert när mit Moors zäme znächtlet. So gäge Abe isches richtig friedlech ir Badi 🙂
-
D’Bohne het hüt e richtige Bsuechstag gha. Zersch si ihri Ur-Oma, mini Gotte u ihre Maa cho. Speter si no 2 Arbeitskollegine vor Manu cho.
Und d’Bohne het sech vor beste Site zeigt – sie isch sehr viu wach gsi u het umegluegt u zablet und nume ganz weni umegrauet. Entsprechend isch wieder mau d’Ussag cho „wartet de nume bis zur Pubertät“ 🙂
-
D’Joelle het zum Zügle iglade, da hani nid chönne nei säge 🙂 Vorauem wüus mi für sie freut we sie itz o i dr’Region wohnt.
-
Ds’Reby u dr’Lüku hei üs bsuecht u mir hei gmeinsam e gmüetleche Tag verbracht u vorauem o viu Magic gspiut.
-
Die erschte Lüt hei üses Geburtsvideo für d’Sandra bereits chönne aluege und hei üs mitteilt wie sehr sie sech über das Video gfreut hei. Das macht Freud o für witeri Mau es Video zäme z’schnide.
I has itz o no uf YouTube gsteut damit mes o cha aluege we mä grad ke DVD-Player zur Hand het =)
-
Mir hei üs im Verlouf vom Nami mit Moors zum Spaziere troffe u hei aschliessend e gmüetleche Abe mit Spiis, Trank u guete Gespräch verbracht.
-
Nachere längere Zyt hei mirs wieder mau gschafft e Spiu-Abe düre z’füehre. Siedler vo Catan isch eifach scho spannender weme z’Vierte isch – u bim druffougende Cluedo hei mir grossteils verseit, was ufene eigeti Art ungerhautsam isch gsi 😉
-
Itz isch besieglet. Dr’Mano wird dr neu Halter vo „BE 22892“ werde. Mi freuts dasses ihn freut mit so toifer Nummere z’fahre.
-
Sone schön sunnige Abe muess me doch gniesse – da si John u ig üs einig gsi, u so simer id’Miuchbar eis ga zieh.
-
Viele liebe Dank a aui wo hüt a mi denkt hei, sech gmäudet hei, oder gar si verbi cho. I ha mi huere gfreut!
Und de hei mers no grad super breicht mitem Wetter… Es isch echt geil we me problemlos bis nach de 22:00 cha uf dr’Terrasse höckle u dorfe.