-
Tag 2 vo üsem Reisli – Mir si im Vormittag bi mire Oma und em Rene ga käfele. Im Namitag si mir bim Götti Willi und sire Frou Barbara in Winterthur verbi.
450 Kilometer im Auto hocke hei mir scho möge merke, aber das isch e chline Priis für d’Freud wo mir dran hei (und o d’Freud wo mir üsne Gastgeber hei chönne mache). Ufem Heiweg hei mir spontan no e chline Umweg gmacht und si bim Grosi (mim Mami) ga verbiluege 🙂
-
D’RED Shoes hei ihri erschti Schiebe „Honeybeach City“ touft im Baranoff z’Thun. I ha e geile (und länge) Abe gha mit geilem Sound, viune bekannte Gsichter und hie und da es Bierli 🙂
Dir erfahret meh über die ufstrebendi Band unger www.REDShoes.ch.
-
Mir hei spontan ds’Reby u dr’Lüku iglade zum e Abe lang Munchkin spiele. Normalerwys duuret das Chartespiu nid so lang, aber mir hei chli e zaghafte Start gha – und uf ds’Endi here hei mir üs Chneble zwüsche d’Scheiche gworfe wenn immer müglech. E riese Spass!
-
Und no e zwoite Geburtstag diesi Wuche. O dr’Lüku het iglade zu Speiss und Trunk a sim Namenstag. O dir nume ds Beschte zu dim Geburi, herzlechi Glückwünsch.
-
Ds’Hochzyt isch chum düre, scho hei mir die erschti Charte im Briefchaschte gfunge 🙂
Es handlet sech umne Charte us Götti Willi und Barbaras Hochzyts-Gschenk (hie steit chli meh drüber).
-
Nachdem mir daheime chli sy häregläge, hei mir üs a ds’Uspacke vo dene viele tolle Gschenk und Glückwunsch-Charte gmacht. Viele Dank euch aune!
Unger au dene Gschenk het’s zwo Kreatione vo bsungers Bastuwüetige:
-
Mir bedanke üs härzlech bi au dene wo sech d’Müeh gmacht hei Öppis uf d’Bei z’steue oder vor z’trage.
Üse härzlech Dank geit a: ds’Gabi für z’organisiere, Asprechsperson sy vor dr’Hochzyt und Tätschmeistere während ihre Maa, em Mike, für sis Engagement aus Zeremonie-Meischter Beatrice, Joëlle, Mano, Mänu und Simon für die steti musikalische Ungermalig vo dem einmalige Tag Willi und Barbara für ihri Idee, dass mir es Jahr lang jedi Wuche e Charte (vo…
-
Es isch ungloublech – mir si miteme Helikopter-Flug über d’Stadt Bern überrascht worde. Bsungers d’Neigig im Heli isch dr’Wahnsinn bim Kurve flüge (oder o scho grad bim Start).
-
Wow, was für ne super Zeremonie und Red wo Mike Moor für üs organisiert und vortreit het!
-
Nach Tage und Wuche mit Organisiere und Seckle geits itz (endlech) los. D’Manu und ig fyre hüt üses Hochzyts-Fescht!