-
Mir sy mitere Tschuppele Fründe dr’zwoit Teil vom Hobbit ga luege (er het guet gfaue), während d’Bohne bi de Grosseltere isch bliebe und vo ihne isch ghüetet worde.
-
Entgege mine Erwartige bini dr’Erscht gsi bim Reserviere vo de Chino-Tickets. Aber jä nu, i bechlage mi nid wemer die beschte Plätz hei am Donnschti 😉
-
Da i de nächschte Tage dr’zwoit Teil vom Hobbit i de Chinos alouft hei Moors iglade zum dr’erschti Teil nomau z’Gmüet z’füehre. Itz sy mir gwappnet füre Donnschti.
-
Üser Spiu-Abete klappe guet u finge regumässig statt. Diesmau hei mir zersch bim Match mitgfieberet u aschliessend hei mir tichlet (Tichu gspiut).
Mir sy eigetlech e grossteils unerfahreni Rundi gsi u so het sech lang niemer gwagt e Tichu a z’säge (sobaud me z’erschte mau dra chunnt z’bhoupte dass me die Rundi wird gwinne). Recht spät im Spiu hani de doch es Blatt gha woni mi uf d’Äst ha usegwagt dermit – u ha de das o…
-
I bi trotz em Ziebele-Märit uf Bern um mit John und Mike es Fyrabe-Bier z’zische. I bi vo Konfetti befreit bliebe was mi grad gar nid truurig macht 🙂
-
O diese Winter si mir z’Thun a Märit und hei chli kömmerlet und si drufabe no bi Reby und Lüku ufenes Kafi verbi.
-
Und wieder e Spiel-Abe *freu*. Mir sy bi Reby und Lüku zumne feine Znacht iglade worde und hei drufabe es für üs neus Spiu lere kenne: (Brändi) Dog. Gemäss em Reby isch üsi Rundi aber viu z’brav usgfaue; es gäb normalerwys meh Fieseleie, Konflikte und erhobeni Stimme. Spass gmacht hets üs trotzdem sehr 🙂
-
Nachdem ds’Gabi am Wuchenend het Geburi gha, aber mir nid hei chönne gratuliere, sy mir haut hüt verbi und hei üser Glückwünsch verbi bracht. Und d’Bohne het o wieder mau ihre Götti Mike gseh.
-
Dr’Günter Struchen het in Burgdorf im Theater Z us sim Buech mit Briefe bsunderer Art vorglese. Mike (Sandras Götti) het ihn ungerstützt und jewius d’Antworte vo de Firme und Ämter glese.
Dr’Günter Struchen het unger www.schlafwandler.ch e eigeti Website wo er regumässig neui Briefe und Antworte ufeladt.
-
Nach einigem organisiere hei mirs mau wieder gschafft e Spiu-Abe düre z’füehre. Zersch hei mir üs miteme feine Fondue gstärcht, drufabe hei mir vorauem ds’kooperative Spiu „Pandemie“ gspiut – und si cheibe guet gsi im Kampf gäge d’Erreger.
Ds’Ziel in „Pandemie“ isches gäge 4 verschiedeni Chrankheits-Erreger Heilmittu z’finge. Immer wenn e Spieler si Zug beendet het, macht me dr’Zug vom Spiu – i dem Fau Chrankheite usbreite und wes dumm geit sogar e Epidemie erzüge. Ds’Spiu schaffts immer wieder innert wenige Züg e schynbar kontrollierti Situation z’erskaliere so dass d’Spieler wieder au Häng vou…