-
D’Familie Rüfenacht-Recordon het üs zum Grill, Bier u Bilage iglade. E gmüetleche Abe.
-
Nach geile säuber gmachte Burger hei mir Star Wars: Edge of the Empire (es Pen-and-Paper Rollespiu) gspiut. I ha mi derbi aus GameMaster versuecht und ha müesse merke, dass das cheibe astrengend isch…
-
Mir hei d’Familie Moor zum Znacht zure Burger-Party iglade. Botz, sy das geili Burger worde 🙂 Mike u ig hei üs de o grad liecht überesse derbi =)
-
D’Sandra het hüt ihre erscht Geburtstag gfyret u Familie sowie Götti u Gotte iglade. Sy het sichtlech Spass gha u wird o i Zuekunft no viu Freud ha a au dene flotte Spiusache wo sie neu übercho het. Viele Dank euch aune.
-
Mir sy vo Reby und Lüku iglade worde zum Znacht i ihrer neue Wohnig. E schöni Wohnig und sie hei o bereits guet igruumt und sy acho.
Mir hei aus Mitbringsu für ds’früsch zämezüglete Paar ds’Chartespiu „Love Letter“ mitbracht. E voue Erfoug! Nachem Znacht und zäme dorfe hei mir grad 4 Partie gspiut à je ca 4-6 Rundine. I ha säute schlecht gspiut (d’Charte dürenang bracht, schüsch es Gstürm gmacht oder eifach o nume Pech gha) und ersch ir zehnte Rundi…
-
No meh Geburtstäg die Wuche 🙂 Hüt hei d’Schnegg-Zwillinge iglade ihres 3 am Rügge mit ordentlech Fleisch und … eh „Getränk“ z’begiesse 😀
Mir sy am Abe no iglade gsy, u so hei mir (d’Bohne u ig) dr’Namitag mit Schneggs gnosse.
-
Dr’Joshua Moor het zu sim vierte Geburtstag iglade zum gmeinsam gfyre – e sehr agnehme Abe unger Fründe. D’Sandra het einisch meh ähnlech-autrigi um sich gha und sech sehr guet gmacht.
-
Am Ostermäntig ga häufe zügle isch zwar e chli e Mist, git aber glich (oder grad drum) e guets Gfüeu (u Muskukater :)) dass mä her chönne häufe
-
Reby u Lüku sy de Namitag z’Bsuech cho u mir hei üs ere chlinere brettspiu-Orgie häregä 🙂 Da ds’Wetter guet isch gsy hei mir üs usegsetzt u so nebe de Spiel o d’Sunne chönne gniesse.
-
Mir sy spontan vo Moors iglade worde zu Würst vom Grill (nachdem d’Manu u ds’Gabi scho e Nami zäme verkäfelet hei). D’Sandra het ihrem Götti o grad chönne bewiese was für ne Fleischmoudi sie doch isch 🙂