-
Mir wünsche euch aune es guets Neus u hoffe dir syget guet gstartet i ds’Jahr.
-
Üsi Brettspiu-Gruppe het sech troffe zum gmeinsam Sylvestere u während de nid-kritische Stunde no chli z’spiele. So macht das richtig Freud: im gmüetleche Rahme mit guete Fründe u feinem Esse.
-
U Botz ma das plötzlech schneie. Mir sy nume angerhaub Stung z’Bsuech gsy bi Moors u scho isch dr’Chare wiis gsy… D’Heifahrt isch du spannend worde bi so verschneite Strasseverhäutnis, aber dank 4×4 hei mir nie banget.
Und ja, mi het’s hie und da furchtbar gjuckt chli umeztuble mitem Chare (Füdle la usbreche u so). Aber solang i nid allei dinne hocke, chunnt so Öppis nid i Frag.
-
Bimene Bsüechli bi Moors hei mir dr’Noah Mael dörfe lehre kenne. Er isch scho cheibe wiff u het scho aktiv versuecht dr’Chopf z’lüpfe u umezluege woner bi mir ar Schultere isch gsy. I stuune.
Mi het o sehr gfreut wie d’Bohne mitem Elija und em Joshua het chönne spiele. Ömu zytewys, denn aber derfür umso besser 🙂
-
Wie einigi sicher wüsse, hürate Reby und Lüku nächscht Summer. Itz het mi dr’Lüku gfragt ob ig si Trouzüge möcht sy – mit aune Pflichte wo derzue ghöre.
-
Dr’letscht Spiu-Abe isch nume grad 2 Wuche her, u scho hei mir wieder eine düregfüehrt 🙂 U diesmau isch üsi Spiu-Gruppe umenes neus Mitglied gwachse. Wiukomme, Sändu.
-
Es het chli duuret, aber itz sy d’Fotos vo Lüku sim Geburtstag bi üs itroffe.
-
Aus Dankeschön für ds’Chatzehüete hei Brunners üs zum Znacht zumene super-feine Fondue-Chinoise iglade.
-
Üse letscht Spiu-Abe isch scho chli öppis her, drum hei mir diese Abe grad mängs neus Spiu zur Uswahl gha. Mängseh aus mir hätte chönne spiele :).
-
D’Sandra louft u het ihrer erschte Schritte ohni Stützi gmacht. Itz wo ds’20 gheit isch, cha sie fasch nüme höre u isch de sicher es Dotze mau zwüsche de Lüt hin u her gschuenet.