-
Mir hei mi Pouterabe gfyret und d’Jungs hei mi überrascht miteme Usflug id’Paintball Arena. Das macht no meh Spass ausu denkt ha, o weme när verschwitzt u vou blaue Flecke isch 🙂
-
Mir hei Mikes 30. Geburtstag miteme tolle Ritter-Fest gfyret (inklusiv Bogeschiesse u Spanferkel) u ig ha dr’Punkt „Schotterock trage“ vo mire Bucket-List chönne abhägle 🙂
-
Ds’Reby Moor het Geburtstag gfyret und so hei mir üsi säuber-bastleti Schul-Tüte chönne übergä.
-
outtakes.ch isch jährig! Es ganzes Jahr hei mir (und dir) usghaute 🙂
I bi am Afang nid sicher gsi ob mir solang Pfuus und Luscht hei. Und grad im Früehlig bini scho ines Loch gheit und so het dr’Blog fasch e Monet-grossi Lücke 🙁 Chli Öppis über d’Azau Iträg Pädu 254 Iträg 4.87 pro Wuche Manu 55 Iträg 1.05 pro Wuche Bohne 69 Iträg 1.32 pro Wuche outtakes.ch Totau 288 Iträg…
-
Sone Sunnti eignet sech haut eifach scho guet aus Spiutag. Mit Reby und Lüku zäme hei mir dr’ganz Namitag verspiut und derbi vorauem die neue Spiu intensiv usprobiert.
Ds’wunderschön gstautete Spiu „Jamaica“ (das hei mer chürzlech erwähnt ufem Blog) isch ds’Vierte höch grad viu intensiver; es giut viu meh Seekämpf und o ds’Häbe vomne Schatz isch einiges schwieriger bi soviu piratischer Konkurrenz 🙂 Drufabe hei mir no „Zug um Zug“ gspiut. Das Spiu het d’Manu u mi soso-lala dünkt wo mir’s z’Zwoite…
-
Es isch Thunfescht gsi und so bini mit Fründe zäme dür d’Gasse zoge u ha e gmüetleche, füecht-fröhleche Abe dörfe gniesse.
Zum Teil het’s ja Jugendlechi gha, die würd ig zu so später Stund nüm allei la umezieh, aber das isch es angers Thema.
-
Mir hei üs diese Abe mitem Lüku zäme a ds’Brettspiu „Die Zwerge“ gwagt und e doch recht klari Niederlage müesse erliede – u das uf dr’Schwierigkeit Afänger… 🙁 Aber Spass gmacht hets trotzdem u mir werdes wieder versueche 🙂
„Die Zwerge“ isch es kooperativs Spiu wo aui Spieler gmeinsam am gliche Strang zieh zum ds’Spiu z’besiege. Ds’Spiu louft uf Zyt (nach spätestens 48 Spiuzüg isch Schluss) und d’Spieler müesse e Viuzau vo Ufgabe erfüue zum ds’drohende Unheil chönne abwende. Jede Spieler schlüpft id’Rolle vomene Zwerg mit ungerschiedleche Fähigkeite (Kampf, Diplomatie, Handwerk) und mä versuecht…
-
Wo üsi chlini Bohne bim Reby ufem Schoss glege und liecht a de Arme aghobe worde isch, het sie dr’Chopf säuber möge mitlüpfe – es geit irgendwie aues so schnäu 🙂
-
Mir si vo Moors zumene Grille iglade worde und hei e gmüetleche Abe dörfe zäme verbringe. Nume d’Bohne het nid soviu vo ihrem Götti mitübercho soviu wie sie pfuuset het.
-
Mir si bsuecht worde vom Reby und em Lüku u hei e glungne Abe mit Grill u Brettspiu dörfe verbringe. U ds’Reby isch e Meister im Goimele 🙂
Und entgege dr’gängige Meinig vor Manu („Pädu gwinnt geng“) het sie üsi recht längi Trivial Pursuit Rundi für sich chönne entscheide.