-
Sandra het ihre 2. Geburtstag bi schönem Wetter chönne fyre und sichtbar Spass gha derbi. Viele Dank aune wo ihre gratuliert hei oder grad säuber si verbi cho.
Und no es Video vo de erschte Momente vor Sandra und ihrer Spiuzüg-Chuchi: https://youtu.be/mmk60X2YMzk
-
Bereits ei Tag vorem Geburtstag sy ds’Gotti Andrea, Mischu, Urs und Sara verbi cho zum mit dr’Sandra ihre Geburtstags z’fyre.
-
Ds’schönschte Wiehnachtsgschenk chunnt vor Sandra a d’Manu – lang het d’Manu müesse warte, itz aber wird sie Mami gnennt vor Bohne, öppis wo sie scho so druf planget het.
-
Ds’Götti Andrea u Familie hei üs zum wiehnächtele bi ihne in Chnoflige iglade. Das isch es echts Generationtreffe vo Angerhaub bis 85.
Mir hei dieses Jahr o z’erschte Mau gwichtelet i dere Rundi. Vo üs us gseh e voue Erfoug, überchome doch die Erwachsene so o chli öppis 🙂
-
Itz wo d’Sandra bewusster mitüberchunnt was u wie Wiehnachte so louft, hei mir ds Fescht o bi üs in Heimberg gfyret. Mir hei chli müesse improvisiere zum 7 Plätz ine z’bringe u hei drum churzerhand dr’Gartetisch i ds’Wohnzimmer züglet 🙂
-
Z’Schenke hei mir ds’erschte Wiehnachts-Fescht bi mim Mami und em Brösi fyre. Für d’Sandra isches sogar die erschti Wiehnachte wo sie bewusst het mitübercho – sie het sech sehr guet gmacht u o dr’Boum isch nie i Gfahr grate 🙂
-
Hüt hei mir d’Sandra igspannet zum bi de letschte Schritte vo ihrne Wiehnachtsgshenkli mit azpacke. Bastle mit ihre verlouft aber nid immer wie plannet 🙂
-
Hüt isch völlig überraschend es Päckli vo PostFinance im Briefchaschte glege für mi. Inhaut: es handgschrybnigs Begleitschrybe u 340 Gramm Schoggi vor Confisserie Läderach
-
D’Sandra het hüt ihre erscht Geburtstag gfyret u Familie sowie Götti u Gotte iglade. Sy het sichtlech Spass gha u wird o i Zuekunft no viu Freud ha a au dene flotte Spiusache wo sie neu übercho het. Viele Dank euch aune.
-
Mir sy uf Schenke mis Mami u dr’Brösi ga bsueche. I ha no es Gschenk übercho, d’Schwizer-Charte für „Zug um Zug“, wo de o grad 2 mau in Schenke u no 2 witeri Mau in Heimberg iscj gspiut worde 😉