Nachdem i geschter ha chönne ds’TrippTrapp i de Einzuteili entgäge näh, het d’Bohne hüt zum erschte Mau chönne drihocke i ihre neu Sitz wo se für es paar Jahr wird begleite.
Nachdem mir daheime chli sy häregläge, hei mir üs a ds’Uspacke vo dene viele tolle Gschenk und Glückwunsch-Charte gmacht. Viele Dank euch aune!
Unger au dene Gschenk het’s zwo Kreatione vo bsungers Bastuwüetige:
D’Bohne het vo Sterrys es schöns Armband mit ihrem Name druf übercho. Es isch ihre no chli z’gross – mir wei ja nid, dass sies verliert wie d’Gotte Ste ihres het verlore aube :)
Mir hei vo mine Budekollege (de mediacoding Globibänze) es Gschenk mit Charte zur Geburt vor Sandra übercho. Bsungers d’Charte gfautmir sehr guet. Viele Dank.
Zum Geburi hani dr’Manu es paar Silber-Ohrringe gschenkt. Sie gfaue ihre sehr u so het sie se du o grad treit. Das freut mi natürlech umso meh, wenni mim Meitschi cha e Freud mache.
Am Wiehnachts-Fescht uf Manus Site isch es mir glunge d’Manu mit mim Gschenk z’überrasche. Ds’Gschenk isch sit 3 Wuche organisiert gsi u sie het nüt, aber de gar nüt, gschmöckt =)
Mis Mami u dr’Brösi hei iglade zum Wiehnachtsfescht z’Schenkon. Mir hei einisch meh sehr guet gässe u de drufabe no d’Wichteli-Gschenk verteilt.
U de hets sogar no grad es witers Novum gä: mitem neue Audi hei mir chönne Sterrys abhole u chauffiere. I gloube doch, dass das ihne o gfaue het – u me hockt ja gräumig uf dr’Rückbank 🙂