-
Mit Urs u Sara am Tigers-Match
Dr’Urs u d’Sara si beidi ir Hockey-Schueu vo de SCL Tigers und hei ir Pouse vom Match Langnou gäge Ambri e Sponsorelouf gha vor aune Fans. I ha die Glägeheit gnutzt und bi mit Eggimaas dr Match ga luege. Und botz hei, hani grad e Match usgsuecht! Es totau vo 13 Gou hei mir chönne…
-
SCB gwinnt dr erschte CHL Viertufinau
Nachdems die letschte Matche nid grad überragend gloffe isch für d’Mutze, hei sis ume gschafft zrügg uf’d Siegerstrass. Imne doch mit Emotione gspickte Viurtufinau-Spiu ir Champions Hockey League, hei d’Mutze dr amtierend schwedisch Leader mit 3:2 chönne besiege und hei sech so guet ufgsteut für ds Rückspiu nächscht Wuche.
-
Endlech geit d’Hockey-Saison wieder los, u de grad miteme Match ir Champions Hockey League. Ds erschte Heimspiu isch gäge englisch Club Nottingham Panthers, wo mir mit 5:2 hei chönne gwinne.
-
MEISCHTER! Schwizer Meischter! Nachdem d’Mutze i Spiu 3 u 4 jewius knapp hei verlore, hei sie’s i de letschte 2 Matche ume ordentlech la tschädere u hei d’Tituverteidigung schlussament souverän gmeischteret.
Einzige Wermuetstropfe isch, dasses ume eis amne Uswärtsmatch isch passiert. Es isch nä eifach meischtens scho nid gönnt vor heimischen Publikum dr Chübu entgäge z’näh.
-
Zu mim Geburtstag hani üs es paar cheibe feini, wenn o nid ganz so gsungi Burger zuebereitet. Da no PlayOff sy hani diesmau nid würklech iglade, sondern bi am Abe mit Mike zäme e wunderbare u eidütige Heimspiu vo de Mutze ga luege.
-
Füre hütig Match EVZug gäge SCB hei mir mit Reby u Lüku abgmacht zum gmeinsam luege, u vorher zäme mampfe. So bini mau ume a Grill gstange u ha mi dra gmacht über 2 Kilo SpareRibs zue z’bereite.
I ha diesmau chli öppis ar Technik apasst u bi aues i auem zfriede mitem Ergebnis – chlini Apassige cha mä geng ume mache, aber grundsätzlech stimmt d’Richtig.
-
Und o ds’zwoite Finau-Spiu hei d’Mutze für sich chönne entscheide. Dr’EV Zug muess sech ächt öppis überlege, schüsch wird das ä churzi Serie bis zum Pokau.
-
Wow, was für ne Uftakt i Playoff-Finau. Üser Mutze hei dr’EV Zug i de erschte 30 Minute richtiggehend vom Iis putzt. Die zwoiti Matchhäufti hei sie 2-3 Gäng usegno, aber es isch glich bim 5:0 bliebe.
-
FINALE! Imne ungloubläch länge Spiu (2 Verlängerige und Penauty-Schiesse) heis d’Mutze wie scho im Vorjahr gschafft und stöh im Finau.
I de nächste Tage wird de uscho wär zwüsche üs und em Pokau steit 🙂
-
Obwou dr’SCB das Spiu gäge Biel isch zwar verlore gange, aber was d’Stimmig im Stadion ageit hani gloub no nie e derart geile Match erlebt. Im letschte Drittu (Bern isch mit 5:1 hinger gsy) het d’Stehrampa mau richtig afa aheize und mit dr’Euphorie o aui ufe de Sitzplätz möge mitrisse. Botz geit das ab we 16’000 Fans ihres Team afüre!