-
Verein Thuner Spiutreff Phönix
Leider hört ds Team vom Thuner Spiulade Phönix afangs nächscht Jahr uf. Da mir aber ä igschworni Gmeinschaft si, organisiere mir üs itz aus Verein u verastaute d’Spiuäbete unger däm Banner. Im Moment muess aues no chli Forme anä (Statute, Website, Ämtli); aber sobauds klarer isch wär-wie-was-wo chani o besser informiere für auie wo sech…
-
I ha nach langem wieder mau eis vo mine Lieblingsspiu chönne spiele – Railways of the World. Das Spiu isch vo Afang bis zum Schluss packend u spannend, dass mä nid ruhig cha bliebe hocke u fasch vor erschte Sekunde a immer wieder ufsteit und i Bann zoge wird.
-
Nachdem ig i de letschte Wuche chum ha Zyt gha, hanis endlech ume chönne irichte ane Spiu-Abe vom phönix z’ga. Itz wo PlayOff fertig sy wird’s wieder viu eifacher uf die wüchentlechi Dosis Brettspiu z’cho 🙂
-
I ha hüt dr’erscht Prototype vo mim eigete Brettspiu fertig bastlet – er gseht o entsprechend schäbig us :). I dä nächschte Tage wirdeni mau d’Manu müesse überrede zure Proberundi, und hoffe, dass es einigermasse funktioniert…
-
Bim aktuelle Brettspiu MathTrade chöi mir es paar Spiu loswerde wo mir sowieso nüm gspiut hei u im Gegezug es paar ertuusche wo mir no nid kenne. Itz sy mer gspannt wie guet de die neue Spiu üs gfaue.
-
Bim erschte Wiehnachte isch mir ds’Brettspiu „Die Burgen von Burgund“ gwichtelet worde. Mangels Gägner hani haut allei müesse e Proberundi spiele (höhö, platzieret eui Nerd-Witze hie). Es isch es würklech glungnigs Spiu mit viune taktische Entscheide wo jewius Spanning u Abwechslig biete.
-
I ha im Oktober bereits zum vierte Mau e Gwinn bim Lotto spiele — 3x e 3er und 1x Replay. Süsch hani gloub no nie würklech Gäut gwunne, aber itz chani’s plötzlech.
-
D’Manu het mir hüt am Abe e grossi Freud gmacht und vorgschlage mis neue Brettspiu häufe z’versueche. Es isch durchus no es aspruchsvou, umso meh freut’s mi wie guet d’Manu i ihrer erschte Partie gspiut het. Respekt!
-
Nach über 2 Jahr het’s es Revival gä vom Game of Thrones Brettspiu-Abe bi Carreras. Angers aus bir erschte Rundi hani diesmau igluegt wie säute öpper iluegt… Und trotzdem het’s gfägt wie verruckt.
-
Lang het’s duuret bis mir wieder mau e Spiu-Abe hei zstang bracht – derfür het’s umso meh gfägt nach so langer Zyt. Und dr’Kolleg het de o grad sini früschi Fründin mitbracht und se mit dr Brettspiu-Begeisterig agsteckt.