-
D’Manu het e Mikroweue gchouft und hei üs abem Handbuech sehr guet möge amüsiere. Nebst de übleche Verdächtige (kes Tier ir Mikroweue z’tröchne) het üs vorauem o erstunt, dasses VERBOTE isch Kochbüecher im Garruum z’platziere (ds’Handbuech aber genau dert isch platziert worde :)).
-
I ha e neui Kategorie gmacht für die Biträg wo mir bsungers wichtig si oder wo spezieu viu si agluegt worde / hei Feedback erzügt.
-
I ha grad mis erste Video bearbeitet und aschliessend bi YouTube ufeglade.
-
I ha erfougrich mis neue Spiuzüg usprobiert. Quadrokopter flüge isch extrem easy zum Starte, aber ds’Umdenke mit de Richtige während em Flug muessi no üebe 🙂
Eh voila – wie versproche hie es Video. I ha leider es angers müesse nä, da mis eigetleche Video sech irgendwie nid het wöue la umwandle… Man beachte bitte o, dassi nid immer so flüge. I ha unabsichtlech e Schauter ar Fernbedienig umgsteut und so d’Lenkig veränderet; zuesätzlech isch dr’Akku o no grad dunger gsi…
-
Mi neu Arbeitsplatz isch endlech itroffe (e 27″ iMac). Es isch fang Zyt worde, het doch dr’Alt afa umezicke und langsam werde.
-
E Aktion bi M-Electronics het mi haubwegs spontan derzue verleitet mir e GoPro Hero3 (Black Edition) z’gänggele. Das Ding isch echt geil u i freue mi scho druf, wenni mau wieder im EuropaPark bi oder ähnlechs 🙂
-
Mir si wieder mau bim Froue-Arzt gsi u diesmau het dr’Doktor mir ds’Ultraschall id’Hang drückt. I söu doch fang afah, er müess no schnäu Öppis ga hole 🙂
-
Es isch gschafft. I ha erfougrich chönne 3/4u Jahr Code-Apassige (~ die 80 Subversion-Revisions) i ds’Live-System merge. Isch aber e rechti Fuehr gsi…
-
Nacheme längere Chnorz hani’s itz endlech gschafft d’Tonufnahm vo geschter im Blog z’verlinke…
-
Entgege mine Befürchtige isch mis iPhone glücklecherwys doch nid socke.