„Was lange währt, wird endlich gut.“ I bi hüt mit aune plante und unplante Änderige füre neu Release vom Rotary CVS fertig worde. Bi gspannt wie ds’erschte Feedback am Mänti usgseht.
Dür mini neui Logitech Harmony One+ hei mir itz ke Chästliwaud meh u so o kes Dürenang ufem Stube-Tischli.
I ha mir vor wenige Tage wieder WhatsApp installiert ufem Handy u bi positiv überascht wieviu Mehrwert i drus zieh.
I bruche WhatsApp itz primär zum mi SCB-Ticker drüber z’verschicke. Hie handlet sechs umne Verteiler-Liste mit knapp 10 Empfänger wo möchte informiert wärde, wenn mir bi üs d’Uswärts-Spiu vom SCB luege (On Demand über SwisscomTV).
Für mi isches vorauem wäg fougende Pünkt bequemer aus vorher woni Masse-SMS verschickt ha:
- I cha em Gruppe-Chat problemlos neui Empfänger derzuefüege
- D’Versand-Zyt isch massiv chürzer da d’Nachricht nume einisch a WhatsApp gschickt wird und die de witerschicke
- Miner Nachrichte si chürzer da dr’Chat bereits „Pädus SCB-Ticker“ heisst und so aui wüsse um wases geit
Es git aber durchus no witeri Gründ wo für WhatsApp spreche für mi.
Im Verglich zu de erschte Tickers isch viu meh Feedback cho, isches doch sicher o für d’Empfänger bequemer u günstiger drüber z’antworte.
Und natürlech chunnts mi o einiges günstiger uf die Art. Isch doch ds’iPhone so doof und cha nid gmischt iMessages und SMS verschicke. I ha auso für jede Empfänger es SMS zaut (oder gar 2 weni chli meh gschrybe ha =)).
Bi 10 Empfänger und ca 10 Matche pro Monet läppert sech da de doch öppis zäme.