-
I ha dieser Tage es luschtigs Comedy „Werbe“-Video gfunge wo sech a Trump richtet und ihm vorschlat nach „America First“ söu er doch „Switzerland Second“ e Chance gä.
-
D’Laura isch flyssig am Fortschritte mache. Grad i de letschte Tage het sie agfange ihre Oberkörper id’Luft z’stemme – es isch numeno e Frag vor Zyt bis sie desume schnagget.
-
I ha soebe es Video gseh wo mi lut het la uselache. Die Parodie vom Intro vor Fernseh-Serie „Game of Thrones“ isch uf 90er-Jahr gmacht und triffts wunderbar ufe Punkt – köstlech!
-
Mir hei e erschte (leider doch eher dümmläche) Kommentar ufenes Video uf YouTube übercho.
-
Es isch doch eifach scho schön wes beidi Töchtere zäme so guet hei und sech so guet verstö.
-
Üsi chlini Laura wird scho i dem junge Auter es richtig gsprächigs Meitschi, um nid z’säge e Ploudertäsche – vo wem sie äch das o hett? 🙂
http://youtu.be/RU-sK68DVb0
-
I ha es chlises Video gmacht wo zeigt wie d’Sandra versuecht ihrer chline Schwöster Socke a’zlege. Sie het nume mässig Erfoug…
-
Hie no 2 Videos vo üsne Camping-Ferie wo zeige wie viu Spass d’Bohne im Gumpi-Schloss het gha.
-
Hüt het üs d’Sandra grad 2 mau überrascht. Zum einte het sie vo de Cousin sofort erfougrich abgluegt wie mä uf ds’Schouku-Ross stigt und wieder drab chunnt. Aber no überraschender isch gsy wo sie üs ihri Adresse verzeut het ohni das mir öppis hei vorgchüschelet.
-
Trotz em Hudu-Wetter bini mit dr’Bohne zum Zulgspitz füre gspaziert (i meh aus sie). Ungerwegs het sie viu Freud a de Glungge bewiese – syg’s mit drigumpe oder schüsch chosle. Aber o schüsch isch üs nid längwilig gsy ungerwegs.